Mondoñedo, 04-12-2019. Catro meses despois da celebración do último pleno ordinario o BNG de Mondoñedo volve a defender varias alternativas de interese para a veciñanza.
O voceiro municipal na corporación, Eloi Cabanas, votou en contra dos orzamentos municipais para o ano 2020, opúxose á aprobación do Plan Municipal de Defensa e Prevención Contra Incendios Forestais, propuxo a suspensión do imposto de plusvalía e logrou un acordo para que se expuxera ao público o proxecto de reforma da praza da catedral antes da súa aprobación definitiva.
-ORZAMENTOS 2020-
O edil do BNG no concello de Mondoñedo considera que o grupo de goberno presenta un proxecto de orzamentos continuista con respecto ao do ano pasado e subliña varias eivas notables que lle impiden dar o visto bo ás contas municipais para o vindeiro ano 2020.
Eloi Cabanas apunta que existen partidas de gastos sen concretar con conceptos xenéricos que impiden clarexar con exactitude en que se van investir algúns dos recursos do concello, “a partida de 65.100€ para outros gastos diversos aumenta con respecto a do 2019 e a de publicidade e propaganda, que aumenta en 12000€ e que pasa este ano a estar orzamentada en 45.300€, son exemplos claros do caixón desastre de moitas partidas presupostadas para o vindeiro ano ”.
O BNG queixase de que o sistema de reparto das axudas ás asociacións son pouco obxectivas e defende unha vía máis transparente e menos clientelar como son as subvencións en réxime de concorrencia competitiva.
Ademais, o edil nacionalista apunta que presentaron iniciativas en anos pasados que foron aprobadas por unanimidade en pleno e tampouco están contempladas no orzamento, “o ano pasado a alcaldesa asegurounos que había de haber unha liña de axudas para a compra de material escolar destinada a familias con dificultades económicas e outra para colaborar no gasto de transporte do alumnos que estudan fora da localidade que non aparecen reflexadas nos orzamentos tal e como prometera”.
Segundo o BNG o anexo de inversións que presentan e moi pobre e sen obras que destacar, “din que por prudencia non inclúen a totalidade das inversións previstas por non coñecer a cantidade da subvención doutras administracións pero en cambio consignan 108.129€ de ingresos que se pretenden obter pola venta das parcelas do polígono así que polo mesmo criterio esta partida tampouco debera estar contemplada”.
-PLAN MUNICIPAL DE PREVENCIÓN E DEFENSA CONTRA INCENDIOS FORESTAIS INCOMPLETO-
O goberno municipal aproba un Plan Municipal de Prevención e Defensa Contra Incendios Forestais por segunda vez logo de que tivera que volver a pleno tralas alegacións presentadas do Colexio Oficial de Enxeñeiros Técnicos Forestais e do edil nacionalista no concello. Eloi Cabanas asegura que o plan incumpre o índice do propio proxecto e carece dos planos que definen a rede secundaria de faixas de xestión de biomasa arredor de vivendas illadas e da rede de pistas, vías, camiños e estradas de titularidade municipal, así como a relación de parcelas afectadas por estes. A Consellería do Medio Rural contesta recoñecendo que faltan os apartados nomeados con anterioridade pero desestima as alegacións presentadas xa que segundo di a Dirección Xeral de Defensa do Monte, nunha posterior fase do plan serán incluídos o resto dos apartados que faltan. Eloi Cabanas pídelle á Xunta de Galiza e ao concello que falen con propiedade e definan o documento como un Plan parcial e esíxelles que presenten dunha vez un plan completo tal e como indica o artigo 16 da Lei de Prevención de Incendios.
-SUSPENSIÓN DO IMPOSTO DE PUSVALÍA-
O BNG defendeu a suspensión do imposto de plusvalía e pediu que se suspendera o convenio de colaboración co rexistro da propiedade para xestión, liquidación e recadación do imposto.
Segundo o BNG as últimas sentenzas do Tribunal Constitucional que declaran inconstitucional o imposto cando non existe incremento de valor dos terreos de natureza urbana ou cando a cota que sae a pagar é maior ao incremento obtido da transmisión do inmoble. O tribunal tamén pon en tela de xuízo o sistema de cálculo do imposto que trae como consecuencia a necesidade de reformar a Lei para adaptarse a estas sentenzas recentes.
“Tendo en conta que estamos a falar dun imposto potestativo, por seguridade xurídica e máis por que estamos nun concello onde non hai presión urbanística nin especulación que traia como consecuencia un incremento de valor dos terreos, pensamos que se debería derrogar e librar desta carga impositiva a todos os mindonienses que se ven ou se van ver afectados por este imposto”.
O BNG tamén ve irregularidades co convenio asinado entre o concello e o rexistro da propiedade e defendeu unha moción na que pedía a suspensión do convenio e deixar sen efecto as actuacións encomendadas desde a súa sinatura.
A moción non puido saír adiante debido ao voto en contra do Partido Popular que só se comprometeu a revisar o imposto para rebaixar a carga impositiva introducindo bonificacións permitidas na lei ou a derrogalo seguindo as indicacións dos pertinentes servizos xurídicos do concello. Eloi Cabanas entende que a alcaldesa non ten vontade política de derrogar o imposto tendo en conta que tres meses despois de rexistrar a moción aproban uns orzamentos que contemplan unha partida de ingresos a conta do imposto de plusvalía por importe de 60.000€.
-EXPOSICIÓN PÚBLICA DO PROXECTO DE ACONDICIONAMENTO DA PRAZA DA CATEDRAL-
O BNG logrou o apoio de todos os grupos da corporación para a posta a exposición pública do proxecto de acondicionamento da praza da catedral antes da súa aprobación definitiva, “entendemos que un proxecto desta magnitude nun espazo tan singular da cidade debe responder a un estudo pormenorizado para que logo o resultado das reformas non causen estragos difíciles de reparar”.
-MEDIDAS DE CONTROL DO XABARÍN-
O BNG tamén votou en contra das medidas propostas polo Partido Popular para o control da poboación do Xabarín.
A moción presentada polo goberno de Elena Candia cárgalle o problema da excesiva poboación da especie ao goberno central cando as competencias en materia de caza no territorio galego son da Xunta de Galiza. Eloi entende que a proliferación destes animais afecta practicamente a todo o territorio galego e sobre todo ao abandono que sufre o rural á falta de relevo xeracional e tamén polo cambio de uso do monte, así que propuxo un Plan de Xestión do Xabarín con criterios científicos e de equilibrio ecolóxico tendo en conta o nivel dos danos causados na agricultura e gandería no risco de accidentes de tráfico ou no risco de propagación de enfermidades.
“A Xunta de Galiza e a Consellería de Medio Ambiente son os que deben liderar esta problemática que para iso teñen as competencias”.
-DEFENSA DE ALCOA-
O BNG sacou a diante unha moción para defender a continuidade de ALCOA en San Cibrao e os postos de traballo ligados á empresa, “os puntos de acordo poñen derriba da mesa as alternativas que ven defendendo o BNG desde fai tempo e se expuxeron tamén en reunións co comité de empresa”.
-ROGOS E PREGUNTAS-
O BNG na sesión ordinaria do pasado venres tamén formulou varios rogos e preguntas relacionadas con xestións que anuncia o goberno nos medios de comunicación.
O BNG preguntou polo proxecto de centralización de servizos vinculados ao Camiño Norte no entorno da Alcántara, a resposta foi que a idea era mellorar a atención do albergue e ofrecer unha programación cultural fixa ao longo do ano. A alcaldesa non quixo adiantar nada en concreto xa que estaba en negociacións coa consellería de cultura e con Xacobeo. O BNG tamén se interesou polo proxecto de ampliación e mellora dos accesos á zona dos Castros e Rocha de Vélez, proxecto que está en Patrimonio e para o cal non ten financiación.
Eloi Cabanas tamén propuxo iniciar os trámites para declarar Área Rexurbe a todo o Conxunto Histórico de Mondoñedo incluídos os Barrios dos Muíños e San Lázaro co fin de establecer medidas e optar a axudas que permitan reverter a situación de deterioro, despoboamento e envellecemento progresivo que sofren, Cabanas explica que ademais da rehabilitación das edificacións a área de rexeneración urbana ten a finalidade de englobar outros aspectos como a mobilidade e a dinamización cultural no ámbito da actuación, “non se entende por que na memoria actual só están incluídas unhas determinadas rúas do casco urbano”.
Para concluír o BNG espera que de aquí en diante a alcaldesa respecte o periodicidade dos plenos ordinarios e se convoquen cada dous meses e non cada catro tal e como ven regulado no pleno de organización do pasado mes de xuño.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
