Muras, 3 de decembro, 2019. A voceira do PP en Muras, Eugenia Requeijo, adianta que a Xunta de Galicia acometerá a mellora da cuberta do Ceip Antía Cal o vindeiro verán. Este foi un dos asuntos abordados na reunión que a popular mantivo en días pasados co delegado da Xunta en Lugo, José Manuel Balseiro, e na que acadou o compromiso deste, como máximo representante do Goberno galego na provincia, para a execución deste proxecto.
Eugenia Requeijo recolle así o sentir da comunidade educativa que, a través de distintas vías, expresou a necesidade de realizar esta mellora, dando traslado ao organismo que ten competencias na materia pero, sobre todo, obtendo “solucións que é o que lles importa aos pais, mestres e ao Partido Popular”.
“Os partidos políticos estamos para isto. Con independencia da nosa responsabilidade, sexa esta a de goberno ou de oposición, debemos de ter unha vocación de servizo público. Isto é no que estamos centrados e por iso provocamos a reunión con Balseiro, do que teño que dicir, non só se amosou receptivo ás nosas demandas, senón que puxo enriba da mesa prazos para as obras da cuberta. Por tanto, a sensación é dobremente positiva, xa que do compromiso tamén se deduce que a Xunta de Galicia entende as necesidades dun Concello pequeno como o noso”, conclúe.
Eugenia Requeijo adianta que a Xunta de Galicia acometerá a mellora da cuberta do colexio de Muras o vindeiro verán
Relacionado
-
O PP acusa ao alcalde “de levar o Concello de A Fonsagrada á quebra, tal e como confirma o secretario municipal”
-
Tomé anuncia un primeiro paquete de actuacións nas estradas provinciais que mellorarán 280 quilómetros con máis de 12M€
-
O PP no senado asegura que o goberno de Sánchez demostra un “profundo descoñecemento da provincia ao asegurar en resposta oficial que a N-640 está en correctas condicións”
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
