A Mariña, 11, decembro, 2019.- O deputado autonómico mariñán do PP, Daniel Vega, diríxese a través dunha carta á subdelegada do Goberno na nosa provincia para que “dea traslado ao Goberno e ao Ministerio de Fomento das reivindicacións dos mariñáns en materia de infraestruturas viarias” ao constatar “o deterioro das vías de comunicación de titularidade estatal e ante a falta de investimento por parte do Goberno de Pedro Sánchez para a súa mellora e o avance no proxecto para a materialización da A-74”.
Vega sinala que tanto a autovía A-8 coma a estrada nacional N-642 soportan un alto volume de tráfico debido á intensa actividade social e económica da comarca mariñá e, polo tanto, reclama unha resposta ás demandas dos veciños e veciñas por parte do Goberno do Estado como titular das vías. Nese senso, cre prioritario que o Goberno consigne nos Orzamentos Xerais do Estado para 2020 as partidas necesarias para avanzar na materialización da autovía A-74, estratéxica para A Mariña luguesa, e que contribuirá ao seu desenvolvemento social e económico; ademais de permitir conectala de forma axeitada co resto de Galicia e de España.
De forma máis inmediata, o popular pide o arranxo do aglomerado das calzadas da autovía A-8 ao seu paso polo termo municipal de Ribadeo debido “ao seu acelerado desgaste derivado das deficiencias na drenaxe da vía que fan necesario intervir de forma constante”. Así mesmo, demanda “iniciar os trámites pertinentes para a construción dun novo acceso á vila ribadense desde esta vía de comunicación de altas prestacións que axudaría a liberar parte do tráfico do casco urbano ribadense; así coma poñer en marcha a construción dun enlace entre a LU-P-5207 e a variante de Ribadeo e dotar de iluminación ás rotondas de acceso á vila”.
En relación á estrada nacional N-642, que na actualidade é a principal vía de comunicación da Mariña lucense, Vega sinala a necesidade de “acometer de inmediato o reforzo da sinalización naqueles puntos nos que non se completou a súa reforma integral ou non é suficientemente intensa” de cara a “garantir a seguridade dos seus usuarios”.
Dificultades para a circulación
Na actualidade, ás dificultades para a circulación que supoñen as obras que se están a executar na ponte de Mañente á altura do termo municipal de Foz ao provocar colas quilométricas, hai que engadir “os riscos derivados das deficiencias na sinalización da nacional 642”, manifesta o parlamentario. Así mesmo, Vega engade que “os problemas para a circulación agrávanse en circunstancias de menor visibilidade, durante a noite ou pola influencia dos temporais, de tal forma que se teñen producido incidencias tan graves como que os condutores non souberan se estaban a circular polo carril correcto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
