Valadouro, 4 de decembro de 2019. Ante as diferentes interpretacións e desavenencias xurdidas en relación a contía da subvención que reciben os Concellos de Valadouro e Alfoz pola xestión compartida do servizo de recollida domiciliaria de lixo e do Punto Limpo, correspondentes a convocatoria de subvencións do Fondo de Compensación Ambiental 2019 (dentro da liña de concorrencia competitiva), e a petición expresa do voceiro do PP no Concello, e ao mesmo tempo, coa finalidade de explicar a situación xerada polo negativa dos grupos PP e BNG de non prorrogar este Convenio, e para conseguir reconducir a situación e evitar así un grave dano económico a todos as veciñas e veciños e aos Concellos do Valadouro e Alfoz, quero realizar as seguintes aclaracións;
1º- Segundo consta nos datos do Expediente 45/2019 do Fondo de compensación da liña competitiva (que esta a disposición no Concello de todas as formacións políticas), na páxina 18 extráense o seguintes datos: Denominación do proxecto: Xestión compartida polos Concellos de Alfoz e O Valadouro do servizo de recollida domiciliaria de lixo e Punto Limpo do Concello de O Valadouro.
.- Orzamento total do proxecto: 119.996,17 €
.-Importe total subvención solicitada : 95.972.94 €
.-Orzamento de gastos de funcionamento: 58.196,22 €
.-Importe solicitado para gastos de funcionamento: 46.556,98 €
.-Orzamento obra e/ou equipamento: 61.769,95 €
.-Importe solicitado obra e/ou equipamento: 49.415,96 €
2º- As subvencións líquidas concedidas foron no ano 2018: 72.337,08 euros e no 2019: 69.248,58 euros. O contrato asinado coa empresa adxudicataria con data de 5 de xaneiro de 2018, ascendía a un total de 141.081,70 euros, aos que hai que sumar 14.108,17 euros de IVE. Segundo se constata en dito expediente as subvencións xeradas polo Convenio para os dous Concellos, ascenden a un total de 141.585, 66 euros a data de hoxe.
3º- A orde da Xunta, xunto coas bases da convocatoria foron publicadas no DOG 248 do 31 de decembro de 2018, na páxina 54503. No artigo 15 deste documento regula os importes máximos das solicitudes, que son os seguintes: individual 40.000 euros e conxunta 120.000 euros, cos límites do 50% para gastos de funcionamento, e importe subvencionable do 80%.
4º- Tal e como queda explicado e segundo consta na propia Orde da Xunta, unha solicitude individual do Concello Valadouro tería un importe para gastos de funcionamento do servizo de lixo de 16.000 euros . (Xa que no artigo 15, punto 3º desta mesma convocatoria sinalase que ao ser competitiva, sempre teñen maior puntuación as solicitudes conxuntas, por iso é case imposible acadar puntuación suficiente para acadar a axuda económica).
5º-Quero deixar constancia que todos os datos mencionados neste documento SON OFICIAIS, e están publicados e a disposición publica na sede electrónica do Concello do Valadouro a través do portal de transparencia.
6º- Por último, emprazo ao PP,BNG e UDIVAL a que reconsideren a súa postura e non bloqueen a sinatura dun convenio destinado a un servizo básico para ás veciñas e veciños do Valadouro como é a recollida de lixo e o servizo do punto limpo, en colaboración co Concello de Alfoz. Estou a disposición de todas as formacións políticas para acadar un consenso sobre este asunto de vital importancia para todos e todas.
E para que así conste a todos os efectos oportunos;
Edmundo Maseda Maseda
Alcalde do Valadouro
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
