Ribadeo, 4 de decembro de 2019. Neste Nadal Acisa Ribadeo reparte novamente 15.000 rueiros entre os seus hoteis asociados para dar información aos visitantes durante estas datas festivas.
Segundo explican desde a directiva de Acisa “os novos rueiros están pensados para que os hoteis poidan informar aos seus clientes de forma rápida e eficaz. Levan un listado onde están tódolos establecementos asociados, e no que se poden consultar tendas, bares, restaurantes…. E ademais proponse unha ruta turística da vila, percorrendo os principais lugares de interese”.
Este material foi editado e repartido por Acisa, en colaboración co Concello de Ribadeo, no marco das actividades conxuntas do convenio firmado entre ambas entidades.
Dende a directiva da Asociación de Comerciantes, Industriais, Servizos e Autónomos cren que “se trata dunha iniciativa que é moi importante, xa que ten dous obxectivos: por un lado, aforrar custes aos hoteis dándolles materias que usan a diario, e facer publicidade de todos os establecementos asociados a Acisa”.
Na presentación dos novos rueiros participaron o concelleiro de Turismo, Pablo Vizoso, así como o presidente e a tesoureira de Acisa, Francisco Iriarte e Manoli Torviso, respectivamente.
O Nadal nos escaparates e no interior dos locais
Acisa Ribadeo convoca unha nova edición do seu concurso de decoración do Nadal para comerciantes e hostaleiros de Ribadeo. A directiva de Acisa quere “con este concurso, incentivar a participación na decoración con luces e adornos navideños de fachadas e interiores de negocios, co fin de contribuír á ambientación do Nadal na nosa vila. Queremos darlles máis vida aos nosos negocios e tamén a Ribadeo”.
Convócanse dúas modalidades para participar, unha para comercio, na que é necesario decorar fachadas e escaparates; e outra para hostalaría, sendo necesario decorar fachadas e barras.
Todos aqueles negocios que queiran participar deberan inscribirse antes do dia 22 de decembro enviando un mail a info@acisaribadeo.es. A decoración deberá estar posta polo menos dende o 22 de decembro ata o 6 de xaneiro.
O xurado formado por membros de Acisa Ribadeo valorará a orixinalidade, deseño e iluminación. O premio de cada categoría é un trofeo da asociación e 100 euros en vales de compra para gastar nunha cea de empresa nun local hostaleiro asociado.
As bases do concurso pódense consultar na web e nas redes socias de Acisa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
