Ribadeo, 9 de decembro de 2019. O concelleiro de Turismo, Pablo Vizoso, fai unha valoración moi positiva da afluencia de visitantes e turistas que pasaron por este concello ao longo da pasada ponte festiva. A ocupación hoteleira roldou o 90%. Os que máis se achegaron a Ribadeo estes días foron cidadáns procedentes de Castela-León, Euskadi e Madrid. O edil ribadense subliñou que o alumeado e o Mercado do Nadal contribuíron a encher as rúas da vila, convertendo a Ribadeo outra vez nun dos destinos preferentes do norte de Galicia.
Vizo declarou que “desde o Concello queremos facer unha valoración moi positiva da afluencia de visitantes e turistas que rexistramos nesta pasada ponte festiva. A oficina de turismo do núcleo urbano de Ribadeo abriu durante todos os días da ponte e foron 500 persoas as que se achegaron ata esta instalación en demanda de información. O pico máis alto rexistrouse o sábado, 7 de decembro, con 165 persoas atendidas”.
O concelleiro de Turismo explicou que “a porcentaxe de turistas chegados a Ribadeo procedentes do resto do Estado durante esta ponte foi do 99,5%. Desde Castela-León chegaron o 23,3% dos turistas, desde Euskadi o 18,4% e desde Madrid o 13,8%. Evidentemente o turismo internacional foi moito máis reducido, chegou ao 0’5%, e estivo representado por peregrinos”.
Pablo Vizoso referiuse aos grupos organizados: “en canto aos grupos pasaron pola oficina de turismo da vila varios, o que representa o 20%. Faise preciso mencionar que, tal e como se esperaba, detectouse un incremento neste tipo de turismo. Destacable foi a presenza dun grupo organizado por unha das empresas de turismo ornitolóxico máis potentes do Estado. Trátase dunha boa nova para un concello coma o de Ribadeo, que leva anos intentando potenciar este tipo de turismo sustentable e que nos axuda a desestacionalizar”.
O edil nacionalista engadiu que “do total de persoas que solicitaron información na oficina municipal de turismo, un 48% manifestaron estar pernoctando en Ribadeo durante estes días, dato que confirma as boas cifras de ocupación, que segundo nos comentan os hostaleiros roldou o 90% nas xornadas máis fortes desta ponte”.
O concelleiro de Turismo dixo que “o alumeado e o Mercado de Nadal, cun amplo programa de actuacións musicais e espazos creativos, contribuíron a encher as rúas da Vila de visitantes e viaxeiros, convertendo de novo a Ribadeo nun dos destinos máis demandados do norte de Galicia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
