Lugo, 20 de decembro de 2019. O Presidente da Deputación de Lugo, José Tomé, xunto á Vicepresidenta, Maite Ferreiro, anunciou este venres que o Goberno provincial garantirá a continuidade do servizo de mantemento das zonas verdes que vén facendo SUPLUSA e os postos de traballo dos 19 empregados e empregadas que veñen realizando estes traballos na Sociedade Urbanística Provincial encargándolle o servizo a outra empresa pública, como é Tragsa.
Como xa fixo público a Deputación, o Grupo Tragsa, formado por Tragsa e Tragsatec, pasa a ser medio propio instrumental da entidade provincial tras a compra dunha acción formalizada ante notario en Madrid o pasado martes, polo que pode encargarlle servizos ou traballos. O mantemento das zonas verdes, coa subrogación dos traballadores nas mesmas condicións salariais e laborais, será o primeiro encargo, ao que, como avanzou Tomé, poderanse sumar máis no futuro.
Con esta decisión, o Goberno provincial cumpre co compromiso de garantir os dereitos dos traballadores e traballadoras que prestan os seus servizos para SUPLUSA, un compromiso que o Presidente anunciou no propio Pleno celebrado o pasado 12 de setembro no que foi aprobado por unanimidade da Corporación provincial a disolución da Sociedade despois de que este ente mercantil perdese xa no 2018 a condición de medio propio a través dun acordo da Xunta de Goberno debido aos problemas que lle ocasionou á institución provincial no pasado mandato.
Opcións
José Tomé explicou que para poder cumprir co compromiso de garantir os dereitos do persoal de SUPLUSA había catro posibles opcións.
– Primeira: Deixar de prestar o mantemento de zonas verdes, o que suporía a desaparición do servizo. Unha opción “que desbotamos taxantemente porque o que queremos é manter o servizo e, sobre todo, manter os postos de traballo”, subliñou o Presidente.
– Segunda: Contratar os servizos que viña prestando SUPLUSA cunha empresa privada. Un suposto “que supoñería privatizar, algo que dende o Goberno provincial non queremos, pois apostamos sempre polos servizos públicos”, asegurou Tomé.
– Terceira: Provincializar o servizo, unha medida que non é posible porque “iso significaría que todo o persoal pasara a ser da Deputación, sen os debidos procedementos selectivos de mérito e capacidade, que son obrigatorios para ser persoal da institución, ben sexa funcionario, ben laboral”, afirmou o Presidente.
– Cuarta: Encargar os traballos e servizos a outra empresa pública. Esta posibilidade, resaltou o mandatario provincial, “é a que resulta máis viable e axeitada, posto que, tanto o encargo dos traballos, como a relación laboral dos traballadores e traballadoras, pasan a depender dunha empresa pública, como é SUPLUSA, a outra empresa pública, como é Tragsa”.
Tragsa, medio propio da Deputación
Para materializar esta cuarta opción de encargar os servizos a Tragsa, a Deputación xestionou diante do Ministerio de Hacienda a compra dunha acción da empresa pública, co que pasa a ser medio propio da institución provincial. A compra desta acción foi asinada ante notario en Madrid o pasado martes.
Ademais da Deputación de Lugo, outras 28 entidades provinciais de toda España compraron tamén xa unha acción de Tragsa, entre elas as da Coruña e Pontevedra, unha decisión da que, explicou o Presidente, tamén se van poder beneficiar no futuro os concellos da provincia de Lugo que así o desexen, a través dun acordo coa institución provincial.
Deste xeito, o Goberno provincial vaille encargar á empresa pública Tragsa o mantemento dos traballos que ata o de agora viña realizando SUPLUSA, que basicamente teñen que ver co mantemento de zonas verdes en distintos puntos da capital, como, por exemplo, a contorna do río Rato, e do resto da provincia.
O encargo, neste mes
Segundo avanzou José Tomé, o encargo deste traballos “vaise producir antes de que remate este mes de decembro, para que a comezos do ano 2020, Tragsa se faga xa responsable da realización dos traballos de mantemento das zonas verdes”.
Para levar a cabo este encargo á empresa pública Tragsa, o Goberno conta co asesoramento dos servizos provinciais necesarios para a tramitación do expediente, como son Asesoría Xurídica, Contratación, Intervención, Medio Ambiente e Recursos Humanos. Todos eles, apuntou o Presidente, “coinciden en estimar que a mellor opción é o encargo á empresa pública Tragsa”.
Estes servizos están elaborando o expediente e facendo os informes preceptivos, dos cales a día de hoxe xa está elaborado o dos servizos xurídicos e o resto están en redacción.
Unha vez rematado o expediente e acordado o encargo dos traballos a Tragsa na Xunta de Goberno, que é o órgano competente para tomar este acordo, “informaremos axeitadamente a todos os traballadores e traballadoras da súa nova situación laboral, na que pasan de traballar nunha empresa pública, como é SUPLUSA, a outra empresa pública, como é Tragsa”, asegurou José Tomé.
Deste xeito, recalcou o Presidente, “co encargo que facemos a Tragsa, garantimos a totalidade dos 19 postos de traballo e tamén garantimos os mesmos dereitos laborais e salariais que teñen en SUPLUSA, dado que no encargo vai incluída a obriga da subrogación de todo o persoal en igualdade de condicións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
