Burela, 3 de novembro, 2019. O Pescados Rubén Burela FS cumpriu esta mañá cunha nova vitoria, na pista do Sala Zaragoza (1-3), para manter o podio intratable nesta oitava xornada, sumándose aos acertos de onte de Ourense Envialia, ante Poio Pescamar (2-3), e Futsi Atlético Navalcarnero, con remontada ante Leganés (3-6).
As pupilas de Julio Delgado e Lucas souberon sufrir para levar un partido no que non só tiveron que loitar contras as filas mañas. Encamiñaron á perfección Peque e Jane, nos minutos 2 e 4, primeiro en contragolpe e máis tarde cun balón solto ao segundo pau. Aínda que dispuxeron de ocasións o halo rematador das mariñás non atopou rede nas oportunidades de Jenny Lores, Jane e Lara Balseiro. A falta de máis de tres minutos para o descanso, Paola reduciu distancias para as locais, aproveitando unha perda galega para subir o 1-2 nunha transición rápida.
O control volveu ter cor laranxa no segundo acto, aínda que a acumulación de faltas lle pesou ao Pescados Rubén. Con oito minutos para a bucina final e tras a expulsión de Julio Delgado, o xogo de cinco burelista foi a por todas, dando tranquilidade ao marcador co 1-3 de Dany, ao segundo pau, no 36. O Zaragoza dispuxo de ata dous dobres penaltis, con intervención impecable de Jozi para manter o electrónico a recado.
Ficha técnica
Sala Zaragoza: Suzan, Livia, Jennifer, Lioba, Rafaela, cinco inicial; tamén xogaron Paola, Laura, Lidiane
Peixes Rubén Burela FS: Ana Romero, Dany, Peque, Jenny, Luci, cinco inicial; tamén xogaron Cilene, Bea Mateos, Lara Balseiro, Ale de Paz, Jenny Lores, Jane, Jozi
Goles: 0-1, minuto 2, Peque; 0-2, minuto 4, Jane; 1-2, minuto 17, Paola; 1-3, minuto 36, Dany
Árbitros: Alonso Montesinos // Fernández Sánchez. Por Zaragoza amarela a Rafaela (minuto 26). Por Burela amarela a Peque (minuto 15), Jenny Lores (minuto 28), Bea Mateos (minuto 31), Lara Balseiro (minuto 39); vermella a Julio Delgado (minuto 30)
Incidencias: Partido correspondente á xornada 8 de Primeira División disputado en La Granja de Zaragoza
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
