Viveiro, 14 de novembro, 2019. No pleno do pasado 12N o BNG de Viveiro, facilitou a aprobación do proxecto de orzamento de 2019 presentado polo goberno municipal co fin de evitar o risco de colapso nos servizos municipais do concello e que a situación financeira das arcas municipais fora a peor pola perda de subvencións concedidas por outras administración ao non ter aprobadas o goberno socialista as contas de 2019, así como polas previsíveis novas demandas xudiciais do persoal municipal aos que se lles adebedan atrasos salariais.
@s nacionalistas acordaron que a súa portavoz municipal se abstivera na votación para facilitar a aprobación do orzamento 2019 e a RPT-2109 do persoal municipal, por responsabilidade política, responsabilidade que debera ter tamén o Goberno do PSOE denuncian desde o BNG. Desde a organización consideran que a pesares de ser máis unha conta de gastos esgotada e de débedas múnicipais que un proxecto de orzamento, se debera facilitar a súa aprobación para facer posíbel que comecen a darse os pasos necesarios para que se regularice a situación do persoal do concello e podan exercer o seu traballo coa estabilidade e as garantías laborais recoñecidas por lei e así poder prestar servizos de calidade á veciñanza. Así mesmo, querían evitar poñer en perigo as finanzas e o traballo das persoas que desinteresadamente están a facer unha importante labor tanto no ámbito cultural, social como deportivo en Viveiro a través das entidades non lucrativas coas que se comprometeu apoiar economicamente o Goberno Municipal pero das que se olvidou ao longo do ano.
A portavoz nacionalista do Concello de Viveiro Míriam Bermúdez, afeoulle á alcaldesa que se escudase, unha vez máis, detrás do caos organizativo do persoal do concello, provocado, pola propia inacción do goberno socialista que leva ao fronte do concello máis dunha década de xeito interrompido, tal e como constatan e advirten os propios técnicos municipais nos seus informes sobre a RPT.
Desde o BNG culpan ao Goberno de Loureiro de deixar degradar os servizos municipais por non ter unha política de recursos humanos como demostra o escandaloso feito de non ser capaces de realizar até o ano 2019, algo tan básico e primordial, como unha valoración de postos de traballo do concello para analizar as necesidades de persoal de todos os servizos municipais e reorganizar e redistribuír según esas necesidades. Unha merma nos servizos que conleva consecuencias negativas no funcionamento do concello e na prestación dos servizos públicos @s veciñ@s de Viveiro, @s principais e grandes perxudicad@s e @s que padecen diariamente esta situación de desgoberno municipal, afirman @s nacionalistas.
A portavoz do BNG critica o continuo intento da alcaldesa de trasladar as súas responsabilidades aos técnicos do concello, coma sucede neste caso coa elaboración do orzamento municipal, da cal a única responsábel é a alcaldía tal e como recolle a lei; e acusa ao goberno do PSOE da total falta de vontade que tivo para aprobar o orzamento do 2019 cando marca a lei e de esperar, de xeito irresponsábel, até o mes de novembro para aprobar un orzamento municipal esgotado e caduco. Antes de rematar Bermúdez aproveitou para instar, unha vez máis, a Loureiro a dar a coñecer á veciñanza e aos membros da oposición un proxecto de orzamento para o 2020, para que así o concello poda poñerse a funcionar ao 100% desde o minuto cero do vindeiro ano.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
