Burela, 9 de novmebro, 2019. O Pescados Rubén Burela triunfou nun novo duelo de galegas, desta vez na pista do Ourense Envialia (1-3), para seguir no máis alto, sen erro. Baixo a batuta de Lucas, as Guerreiras toman vantaxe de 3 puntos sobre o Ourense e saen reafirmadas como equipo menos goleado fronte ao seu rival directo na categoría, que só foi capaz de perforar a rede mariñá dende os dez metros, igualando a contenda nunha primeira parte cargada de faltas, tras a iniciativa da internacional Peque. Jane, pletórica no 25, e Jenny, nun desaxuste defensivo no 29, fixéronse co derbi, ante a resposta infrutuosa de cinco das locais pola remontada.
No 7 as de Morenín xa levaban ás costas as cinco faltas e Peque adiantou as burelistas pouco despois tras contragolpe e galopada pola banda. Chegando ao ecuador Jane tivo ocasión para ampliar distancias en dobre penalti nun balón que a meta local desartellou por arriba. Pouco despois o Burela tamén se cargou de faltas e chegou a oportunidade para o Ourense, que non conseguiu igualar a contenda, cun disparo de Laura Uña que tocou no pau. Quixo sorprender Iraia a Jozi, sen éxito, e o Pescados Rubén contraatacou con moito perigo, coa 7 mariñá. De novo, as da casa dispuxeron de dobre penalti e Marta non errou, cun lanzamento axustado ao pau, restando seis minutos. As laranxas desaproveitaron de novo dende os dez metros, no 18, con Cilene nun balón que foi ao corpo de Vane. Jenny a punto estivo de sorprender sobre a rede nos últimos compases cun saque longo moi rápido de Peque.
Regresou o Ourense con tres grandes oportunidades ante Ana Romero, pero pouco se fixo esperar o control mariñán. Dany serviulle despois a Bea Mateos pero fóiselle moi alto. No minuto 25 chegou o gol da xornada, e de parte da tempada, con Jane para poñer o 1-2; a 11 laranxa recibiu un pase de Dany en media altura, controlou e fixo sombreiro a unha defensa para perforar a rede ante Vane. A brasileira tívoa de novo a escasos segundos, estrelando o esférico contra o pau. A lusa Jenny puxo a sinatura do terceiro visitante, antes da medianía do segundo acto, recibindo un pase longo de Peque, aproveitando un desaxuste defensivo ourensán, e ante unha gardameta adiantada. No 33, Dany non atopou resposta ao segundo pau, buscando a Bea Mateos. A antiga xogadora burelista Judith freou a tentativa de Dany no 35, en consonancia con Jane. Apostou entón por xogo de cinco o Envialia, con Lau Doce. Ana Romero estivo impecable ante Judith, na única chegada ourensá. O cuarto laranxa puido chegar con Jane, ante dobre parapeto de Vane e Marta na recta final, no cambio de porteira. Rematou o duelo irmandiño sen perigo local sobre os paus laranxas.
Recoñecemento dos Premios Deporte Galego 2018
O Pescados Rubén Burela FS recollerá o vindeiro 28 de novembro o premio como Mellor Equipo Feminino de Deporte Galego 2018 da Secretaría Xeral para o Deporte. Así o deu a coñecer onte a Xunta de Galicia. As Raíñas compartirán o galardón co Atlético Guardés de balonmán, nunha edición na que se recoñecen 22 premiados en 18 categorías.
Ficha técnica
Ourense Envialia FSF: Vane Barberá, Chiky, Marta, Sara Moreno, María, cinco inicial; tamén xogaron Laura Uña, Judith, Candela, Laura Doce, Iraia, Sara Santos
Pescados Rubén Burela FS: Jozi, Dany, Cilene, Jane, Bea Mateos, cinco inicial; tamén xogaron Peque, Jenny Lores, Jenny, Ale de Paz, Ana Romero
Goles: 0-1, minuto 8, Peque; 1-1, minuto 14, Marta (d.p.); 1-2, minuto 25, Jane; 1-3, minuto 29, Jenny
Árbitros: Martínez Torres // Darriba Vilamor. Por Ourense amarela para Sara Moreno (minuto 7), Chiky (minuto 10), Santos (minuto 18). Por Burela amarela a Jane (minuto 14)
Incidencias: Partido correspondente á xornada 9 de Primeira División disputado nos Remedios de Ourense
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
