Lugo, 4 novembro, 2019. Os candidatos do PP ao Congreso, Jaime De Olano e Joaquín García Díez, xunto ao cabeza de lista ao Senado, José Manuel Barreiro, participaron este luns acompañados do voceiro e outros membros do grupo municipal do PP de Lugo nun encontro con representantes da Confederación de Empresarios de Lugo (CEL) na que se abordaron as principais problemáticas e se recolleron as demandas dos empresarios da provincia.
Os populares aproveitaron esta xuntanza para poñer enriba da mesa os elementos centrais da política económica do Partido Popular para o Goberno do Estado. Entre eles citaron a redución de impostos “porque cremos que liberando recursos a favor da sociedade se fomenta o consumo e, incentivando o consumo, conseguiremos incrementos na recadación que permitan corrixir esa situación nas arcas do Estado ao mesmo tempo que se creará emprego que é o factor básico para a nosa economía”, sinalou Barreiro.
Concretamente, en relación á creación de emprego, Jaime De Olano sinalou as propostas do Partido Popular sobre a materia tales coma “a ampliación da tarifa plana para autónomos, mozos, maiores e discapacitados, parados de longa duración, emprendedores do entorno rural e mulleres vítimas de violencia de xénero”. O cabeza de lista á cámara baixa sinalou tamén a eliminación de trámites burocráticos tanto para a constitución dunha empresa nun prazo máximo de 5 días coma para o día a día da súa actividade que actualmente supón unha perda de tempo”, manifestou De Olano. Nesa liña, nomeou a aposta dos populares pola transformación dixital con medidas concretas como constitúan “palancas de crecemento para o rural da nosa provincia e, polo tanto, contribúan a frear o seu despoboamento”.
Estas son, en definitiva, “medidas para a reactivación da economía que van na dirección contraria ao que está facendo o PSOE dende o Goberno” porque “vemos que os socialistas nos conducen a unha situación que, se non se corrixe a tempo, acabará nunha profunda crise coma a que vivimos no ano 2012”. De feito, a situación actual das empresas e, por conseguinte, dos empresarios lucenses relaciónase para os populares “co marco xeral que é común ao conxunto do país”.
José Manuel Barreiro explicou que “España está a vivir unha desaceleración económica que está tendo uns indicadores de gran preocupación. Segundo os últimos datos do emprego, que poñen de manifesto que xa se están destruíndo postos de traballo, son consecuencia da enorme inestabilidade política que está vivindo o noso país e tamén da falta de continuidade das políticas e reformas necesarias que necesita o país para que a economía continuase os ritmos de crecemento co que o facían baixo o Goberno de Mariano Rajoy e, polo tanto, garantan a creación de emprego que é a base de tódalas necesidades económicas”.
“Grave situación” da industria da provincia que afecta a moitas familias
Os candidatos populares engadiron que “esta situación de por si grave vese incrementada no caso da provincia de Lugo”. A este respecto De Olano recordou a situación dos miles de postos de traballo que Alcoa xera na Mariña, a repercusión para o emprego de traballadores da comarca da Terra Chá, principalmente, da ameaza de peche da central térmica de Endesa – As Pontes ou da repercusión sobre os produtores de eucalipto que dirixen a súa madeira á súa transformación en pasta de papel da man de Ence. “Estes son só algúns exemplos de empresas e traballadores que están sendo deixados de lado polo Goberno de Pedro Sánchez”, sinalou o candidato ao Congreso.
O candidato do PP á cámara alta, pola súa banda, recordou que “ata o momento viñeron aquí catro representantes do Goberno central, catro ministros, e en ningún caso deron resposta ou nin sequera falaron destes problemas que afectan á nosa provincia”.
Despois de trasladar a súa preocupación aos membros da Confederación de Empresarios de Lugo que participaron no encontro ante estes problemas, os populares animaron a “facer entre todos un esforzo para conseguir mudar esta situación” e apoiar nas urnas “un Goberno do Partido Popular en Madrid”.
Infraestruturas “paradas”
Sobre as infraestruturas, que son un pilar fundamental para o desenvolvemento económico da provincia, os candidatos do PP lucense tamén amosaron a súa preocupación porque “está todo absolutamente parado”. De feito, “fai uns días o señor Ábalos tivo a desfachatez de dicir que no ano 2021 iamos a contar con Ave na provincia cando é materialmente imposible”. Nese sentido, Barreiro explicou que “o que lle pedimos é que faga o mesmo que o ministro de Fomento do PP, que reúna á Delegación do Goberno e a representantes da sociedade lucense para dar prazos concretos e sinalar partidas orzamentarias como fixo o Goberno de Rajoy”.
Os empresarios reclaman un “Goberno estable”
Representantes da CEL, entre os que se atopaba o seu conselleiro delegado, Eduardo Valín, e membros do colectivo amosáronse receptivos “ante a necesidade de constituír un Goberno estable en Madrid tan importante para o noso país coma para a nosa provincia que vive unha situación de incerteza no seu tecido industrial e un importante retraso nas súas infraestruturas”, indicou o secretario xeral da CEL, Jaime López.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
