Ribadeo, 12 de novembro de 2019. O arquivo municipal do Concello de Ribadeo alberga un importante patrimonio documental cuxos fondos, conservados dende o ano 1536, resultan imprescindibles á hora de investigar e coñecer a historia e a evolución da Mariña lucense. Tendo en conta a importancia dos mesmos, dende o Concello tomouse a decisión de sumarse á transformación tecnolóxica e dixitalizalos, un proceso que durante os últimos catro anos vense realizando a través de obradoiros de emprego nos que xa se dixitalizaron 294 libros de actas municipais (dende 1536 a 1945), 62 planos e 26 expedientes. Todo isto suma case 67.000 capturas, o que supón máis de 265.000 arquivos dixitais creados.
Seguindo con esta aposta pola modernización o Concello solicitou unha subvención, que se enmarca no programa operativo Feder Galicia 2014-2020, impulsada pola Axencia para a Modernización Tecnolóxica de Galicia (Amtega) e cofinanciada co Fondo Europeo de Desenvolvemento Rexional, co obxectivo de capturar dixitalmente unha parte do fondo histórico e xerar os metadatos para a súa descrición.A empresa encargada de realizar este traballo foi Unayta, consultora tecnolóxica de Santiago de Compostela especializada na implantación de proxectos de Oficina sen Papel.
A dixitalización dos documentos foi levada a cabo por persoal técnico especializado nesta tarefa que se desprazou ao Concello de Ribadeo entre os meses de xullo e outubro, e que dixitalizaron máis de 25.000 imaxes pertencentes a tres series documentais:
-Actas de sesións do pleno e comisións de goberno (dende 1945 a 1973).
-Catro libros de rexistro do Hospital de San Lázaro e San Sebastián (dende 1573 a 1773).
-Expedientes de Quintas.
Este traballo rematou a finais de outubro coa entrega dunha copia de preservación e dunha copia de difusión. Isto permitirá que toda a documentación xa dixitalizada sexa accesible tanto na páxina do Arquivo do Concello de Ribadeo como na Biblioteca Dixital de Galicia (Galiciana) facilitando a súa difusión e consulta por parte dos distintos investigadores, historiadores e, por suposto, dos veciños e veciñas do municipio.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
