Mondoñedo, a 22 de novembro de 2019. Un ano máis o Concello de Mondoñedo, a través do Centro de Información ás Mulleres, conmemora o Día Internacional contra a Violencia de Xénero por medio de actividades e actos institucionais para visibilizar e loitar contra a lacra que é a violencia contra a muller, máxima expresión da desigualdade de xénero.
Así, os actos centrais terán lugar o SÁBADO 23 DE NOVEMBRO, de 11:30 a
13:30 horas. Optouse por trasladar esta conmemoración ao sábado anterior ao 25 de novembro para facilitar a participación da cidadanía. Durante ese tempo instalarase un punto informativo na Praza do Concello, onde se repartirá material relacionado coa temática e se imporá o lazo morado. Estes materiais son tanto de edición propia do Concello como facilitado pola Secretaría Xeral de Igualdade da Xunta de Galicia. Ás 13 horas terá lugar a lectura do manifesto contra a violencia de xénero, que este ano correrá a cargo de Beatriz Meilán Rego, Concelleira de Igualdade do Concello de Mondoñedo. A continuación gardarase un minuto de silencio e farase unha solta de globos en recordo das vítimas de violencia de xénero. Como novidade a destacar, este ano utilizaranse globos biodegradables, a
fin de que esta actividade xere o mínimo impacto posible no medio ambiente.
Durante o acto insititucional, así como durante todo o mes de novembro, as persoas que o desexen poderán deixar as súas mensaxes na caixa instalada a tal efecto na entrada da Casa do Concello. Ao finalizar o mes, estas mensaxes serán publicados en redes sociais coas etiquetas #MondoñedodiNON e #25N2019. As persoas interesadas tamén poden publicar directamente as súas mensaxes nas redes coas mesmas etiquetas e mencionando ao CIM.
Como é costume no Concello de Mondoñedo, as actividades contra a violencia de xénero non se centran nun único día, se non que se estenden ao longo do mes de novembro. Así, realizáronse as seguintes actividades:
– 27 de outubro e 16 de novembro, representación das obras de teatro “Rosa
Caramelo” e “O rueiro das liortas”, en colaboración coa Secretaría Xeral de Política Lingüística como membros da Rede de Dinamización Lingüística. Ambas obras teñen como eixo central do seu argumento a igualdade entre homes e mulleres e a loita contra violencia de xénero.
– do 5 ao 8 de novembro, curso de defensa persoal e autoprotección para mulleres, en colaboración con AGADER e a Asociación GDR-1 Terras de Miranda. Un curso realizado no Pazo de Santomé cunha grande acollida polas mulleres participantes e un alto nivel de satisfacción trala súa realización.
– 18 de novembro, reunión da Mesa Local de Coordinación contra a violencia de xénero, coa presencia da Secretaria Xeral de Igualdade, dona Susana López Abella. Sendo a educación desde idades temperás a base da igualdade entre mulleres e homes, este ano lévanse a cabo dúas actividades formativas nos centros educativos: unha terá lugar o 29 de novembro no CEIP Álvaro Cunqueiro e consistirá nun obradoiro de coeducación dirixido ao alumnado de 5º e 6º de Primaria, e a outra tivo lugar no IES San Rosendo durante o mes de novembro consistindo en obradoiros de igualdade destinados a romper cos
estereotipos de xénero. Ademais, tanto nestes centros, coma na Escola Infantil coma nas dependencias do Centro de Información á Muller, instalarase “O recuncho da Igualdade”, un lugar onde se poderán atopar unha serie de obras literarias coa igualdade como temática principal e dirixidas a todas as idades.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
