Burela, 13 de novembro de 2019. O teatro será o protagonista a vindeira fin de semana en Burela. O sábado 16 ás 20:30 horas o grupo Metátese Teatro, de Palas de Rei, porá en escena a obra Na procura dun traballo. O domingo 17 ás 18:00 horas Talía Teatro presentará en Burela o espectáculo para o público infantil e familiar Rosa, caramelo e outras historias. A entrada será libre e gratuíta en ambos casos.
O concelleiro de Cultura, José Díaz, anunciou que “para este fin de semana en Burela temos, tanto o sábado como o domingo, dous eventos culturais neste caso de teatro. Un deles vai ser o sábado 16, que sería teatro para adultos. A partir das oito e media o grupo Metátese Teatro, que xa estivo noutras ocasións aquí en Burela, un grupo de Palas de Rei e que representará a obra Na procura dun traballo. É dentro do programa Buxiganga, proxecto teatral afeccionado do ano 2019 e conn entrada libre para todos os públicos”.
O edil burelés dixo que “a obra ten pinta de ser moi divertida e por iso convido a todos os nosos veciños e veciñas a que se acheguen ao auditorio. Temos que apoiar o teatro todo o posible para que estes grupos afeccionados sigan xirando por todos os pobos da provincia e de Galicia. É importante que haxa público para que eles tamén teñan esa motivación extra, que non deixemos de lado nunca o teatro”.
José Díaz explicou que “Na procura dun traballo trata sobre temas de actualidade, sobre o mundo laboral, a inmigración, os medios de comunicación… O espectáculo empeza cun programa de televisión no que se anuncia un aparello que permite viaxar no tempo, entón tres dos protagonistas, son homes sen traballo sumidos nunha crise existencial, deciden mercar ese aparello para viaxar no tempo e pasar por diferentes épocas, pola prehistoria, polo antigo Exipto, por Roma e polo lonxano oeste, vendo as dificultades e as penalidades que había en cada unha desas épocas. Por iso digo que ten pinta de ser moi divertida. Dura unha hora e oxalá que poidamos ter moito aforo esa tarde no teatro. Ademais con este frío parece que acompaña ao teatro para poder estar sentados, cómodos, e rirnos un pouco, que boa fata fai”.
O concelleiro de Cultura seguiu a relatar que “a obra de teatro que temos o domingo estaría enfocada ao público infantil e familiar. Neste caso é a compañía Talía Teatro, que tamén estivo aquí en Burela, a que presentará a obra Rosa, caramelo e outras historias. Vai ser o domingo ás seis da tarde. O espectáculo está dirixido por Paula Carballeira e interpretan Arturo Trillo e Fernando Fraga, que é un acordeonista moi bo, virtuoso realmente deste instrumento, que vai acompañar en todo o que faga o seu compañeiro no escenario. Son cinco historias que van musicadas, que foron editadas por Kalandraka que é unha das editoriais máis importante en literatura infantil e gráfica que temos en Galicia. Son historias dunha escritora italiana que se chama Adela Turín, con textos con moitísima pegada e que calan moito nos máis pequenos. Toca temas como a violencia de xénero dunha maneira que os nenos e nenas entendan ben e que se queden coa mensaxe. Isto está dentro do programa de dinamización lingüística FalaRedes, que organiza a Secretaría Xeral de Política Lingüística e a entrada é libre”.
Desde a Concellería de Cultura lembran que ata o 27 de novembro pode visitarse na sala de arte da Casa da Cultura a exposición fotográfica do Club Imaxe. O horario, de luns e venres, é de 10 a 13 de horas e de 17 a 20 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
