Ribadeo, 1 de novembro de 2019. Constituído en Ribadeo o Pacto Local Contra a Violencia Machista no Camiño do Norte co obxectivo de previr e dar atención a posibles casos de abuso sexual e/ou violencia machista durante o seu paso por este concello.
Desde a Concellería de Igualdade lembraron que “iniciábamos no mes de xullo este proxecto municipal coa finalidade de potenciar a vila de Ribadeo como punto referente do Camiño do Norte na súa dirección a Santiago de Compostela, con especial fincapé en ofrecer un entorno seguro para as mulleres que viaxan soas. Sensibilizar ao conxunto da cidadanía, administracións públicas e entidades privadas sobre a importancia de xerar espazos que favorezan a prevención da violencia sexual nas rutas do Camiño de Santiago, e promover unha imaxe positiva do mesmo”.
Igualdade e CIM sinalaron que “se editou un vídeo froito deste proxecto de divulgación e sensibilización sobre o dereito ás mulleres a un camiño libre de violencias machistas e sobre a opción de viaxar soas no que foron moitas e diversas as voces de mulleres que viaxaron soas que colaboraron na campaña enviándonos notas de voz, mensaxes, e cumprimentando as tarxetas nas oficinas de turismo, albergues e establecementos hostaleiros. O vídeo pódese ver neste enlace: https://youtu.be/Y7vsxFhDmmM”.
E engadiron que “para finalizar deseñouse unha medida de impacto a nivel municipal: un Pacto Local pola Prevención da Violencias Machistas no Camiño. Comprometeuse aos axentes locais do sector comercial e hostaleiro local –hostais, restaurantes, albergues…-, á comunidade educativa e ao tecido cultural nunha proposta de actuación responsable para previr e dar atención ante posibles casos de abuso sexual e/ou violencia machista no Camiño ao seu paso por Ribadeo”.
Desde a Concellaría de Igualdade subliñaron que “a adhesión ao Pacto Local Contra a Violencia Machista no Camiño do Norte comprende diversas medidas de actuación, de información, sensibilización e prevención e de atención por parte dos establecementos hostaleiros, os cales se comprometen a levar a cabo unha serie de medidas para poder formar parte deste Pacto Local. Os establecementos adheridos terán no seu local ademais dun vinilo co logo do proxecto un folleto explicativo, onde se contemplan unha serie de recomendacións do que se debe facer no caso de presenciar unha agresión machista no seu local”.
Este proxecto das áreas de Igualdade, Turismo e Desenvolvemento local do Concello de Ribadeo é unha iniciativa na que traballan da man de 7H Cooperativa Cultural e a Cooperativa Arabías !! A iniciativa conta con apoio do programa O teu Xacobeo da Xunta de Galicia.
Constituido en Ribadeo o Pacto Local Contra a violencia Machista no Camiño Norte no que están implicados o sector comercial e hostaleiro da vila, a comunidade educativa e o tecido cultural
Relacionado
-
Programación do Concello de Xove co gallo do 25N
-
Alfoz presenta o programa “Libres e iguais: cada día máis fortes” para conmemorar o 25N
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
