Mondoñedo, 21 de novembro de 2019. A Xunta achegou este ano 30.000 euros ao concello de Mondoñedo para a adquisición dunha motoniveladora coa que levar a cabo actuacións medioambientais. A directora xeral de Administración Local, Marta Fernández-Tapias, acompañada da alcaldesa da localidade, Elena Candia, visitou as actuacións realizadas grazas ás axudas da Vicepresidencia.
O investimento do Goberno galego a cargo do Fondo de Compensación Ambiental permitiron este ano a compra dunha motoniveladora que se empregará para limpar espazos degradados e contaminados, nivelar o terreo, ampliar camiños ou realizar zanxas que faciliten a evacuación da auga da chuvia. Desta forma, a adquisición desta máquina contribuirá a mellorar a conservación e preservación do medio ambiente e en especial das zonas protexidas pola Rede Natura, a manter coidados os espazos públicos municipais e á recuperación de zonas degradadas, ao mesmo tempo que se contribúe a evitar incendios e outros riscos ambientais.
A aportación do Goberno galego no concello de Mondoñedo a través do Fondo de Compensación Ambiental ascende este ano a 179.292 euros. Ademais dos 30.000 investidos na compra de maquinaria medioambiental, destináronse outros 71.397 á continuidade do proxecto de protección do ambiente, do espazo natural e conservación da biodiversidade do concello, unha iniciativa que a Xunta vén financiando de forma continuada desde o ano 2015. A Administración autonómica tamén investiu outros 77.894 euros na mellora da recollida selectiva de lixo nos concellos da Mancomunidade da Mariña lucense, da que forma parte o municipio de Mondoñedo.
Marta Fernández-Tapias, destacou a importancia da colaboración entre a Administración autonómica e a local, que é a mellor coñecedora das necesidades e demandas da veciñanza, xa que con estas axudas os concellos galegos levan a cabo actuacións que repercuten en melloras directas para o día a día dos cidadáns. No caso de Mondoñedo, a Xunta destinou nos últimos anos un investimento de máis de 1,3 millóns de euros ao concello, a través de distintas liñas de axudas da Vicepresidencia como o Fondo de Compensación Ambiental, a Orde de Infraestruturas de uso público ou mediante a sinatura de convenios.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
