A partir do luns, 2 de decembro, afeccións ao tráfico na N-642 en Foz por traballos de reparación de varios pasos superiores

 Madrid, 29 de novembro de 2019. O Ministerio de Fomento, a partir do luns, 2 de decembro, executará traballos de reparación en catro pasos superiores con tipoloxía de vigas prefabricadas, situados na estrada N-642, entre os p. k. 29,700 e 33,900, no termo municipal de Foz. O orzamento desta actuación ascende a 470.000 euros.
En tres dos pasos superiores o limitado gálibo vertical existente na actualidade entre a rasante da estrada N-642 e a cara inferior dos taboleiros, propiciou o impacto de vehículos nas vigas, o último deles no paso superior do p. k. 29,700 o pasado 24 de xullo, polo que se procederá ao aumento dos gálibos mediante gateo do taboleiro das estruturas.
Para a execución dos traballos previstos será necesario impoñer restricións ao tráfico na N-642, habilitándose o paso alternativo por un carril regulado por semáforos en horario diúrno e desvíos alternativos para a parte dos traballos de reparacións de vigas e as operacións gateo dos taboleiros que se executarán en horario nocturno, quedando todas elas oportunamente sinalizadas e indicadas.