A Directora de Turismo de Galicia, Nava Castro Domínguez, asistiu ao Hotel Oca Playa de Foz para apoiar a labor do proxecto desenvolvido polo GDR 01 Terras de Miranda, uníndose ao encontro con 10 directivos de axencias de viaxe de Canarias. Tamén contouse con representación do Concello de Foz a través do Alcalde, Francisco Cajoto, e do Concelleiro de Turismo, José María Linares Rodríguez, así como co Presidente do GDR Terras e Miranda, Vidal Martínez Sierra.
Esta viaxe de familiarización tivo como obxectivo o establecemento de canles de comercialización para a captación de visitantes en tempada baixa, de cara á desestacionalización da actividade turística na Mariña Lucense. Os operadores turísticos e axencias de viaxe participantes, tiveron a oportunidade de coñecer de primeira man a riqueza cultural, natural e gastronómica da zona.
