Viveiro, 15 de novembro, 2019. A pasada semana a Aula da Uned de Viveiro encheuse de espírito innovador. Foi durante dúas citas, unha o luns 5 onde se abordou un obradoiro de Innovación en Turismo Sostible, a outra foi
o xoves 7 na que as alumnas de Econoloxía da Uned Senior recibiron a visita do chef bretón Samuel Giquel promotor do movemento Slow Food no país galo.
A Fundación Ecotur comezou en Outubro unha serie de Talleres de Innovación en Turismo Sostible por todo o país para a posta de longo da Red de Formación activa Escuela de Ecoagroturismo e que pretende dar respostas ás demandas do sector, compartindo coñecemento e formando a tódolos axentes do medio turístico implicados no turismo sostible, profesionais de sectores afíns ao turismo e demáis axentes comprometidos co desenvolvemento rural e turístico dos destinos (produtores, artesáns…).
Unha destas citas novedosas realizouse en Viveiro, a sede oficial da Fundación en Galicia dirixida por Lucas Requejo. A actividade realizouse grazas á Uned nas instalacións da Aula da Uned en Viveiro e foi retransmitida en streaming para todo o territorio español. 109 alumnos
participaron nesta primeira cita coa innovación e o turismo sostible en Viveiro, 16 de xeito presencial. A asistencia na aula foi moi diversa, dende a iniciativa privada como dende o ámbito da administración pública. Asistiu persoal técnico do propio Concello de Viveiro, a responsable
política de turismo do Concello de As Pontes, Elena López e o alcalde de Vegadeo César Álvarez, tamén actual presidente de InterEo, Asociación de municipios da Reserva da Biosfera Río Eo, Oscos e Terra de Burón. A participación e o debate foron o suficientemente amenos e interesantes como para que os asistentes non tivesen problema en demorar a xornada de mañá ata as 14:30h. Xa de tarde Boris Vilar ofreceuse de xeito desinteresado a guiar aos asistentes e mostrarlles parte do patrimonio viveirense ata o Complexo Regal Xunqueira. Alí Otero Regal recibiunos cunha visita e explicación polo propio complexo. A cita rematou cun pequeño traballo de inicio sobre o Camiño do Mar. O propósito do obradoiro sobre a ruta Camiño do Mar é deseñar unha experiencia de turismo sostible arredor deste camiño, para crear de xeito participativo un proxecto innovador e que dé resposta e cumplimento aos ODS, obxectivos de desenvolvemento sostible. O vindeiro luns 18 ás 16:30 horas no complexo de Regal Xunqueira terá lugar a
continuación do obradoiro que está aberto a toda aquela persoa interesada en aportar voluntariamente á creación da experiencia turística. Para máis info Asociación Pratodo (Lucas Requejo) – Tel. 617 46 17 23 lucasrequejofernandez@gmail.com
E a outra cita interesante da semana pasada foi a presencia na aula do cociñeiro francés Samuel Giquel. Leticia Maseda profesora da Escola de Hostelería de Foz foi a responsable de achegar ao cociñeiro ata Viveiro. Da mán de Lucas Requejo o cociñeiro puido coñecer o pasado alimentario de Viveiro e tamén o actual. Samuel quedou maravillado de Viveiro en xeral e do mirador de San Roque en particular. Logo foi o momento de compartir a súa experiencia ao alumnado da asignatura de Econoloxía impartida na aula da Uned. Ten o seu restaurante propio na localidade bretona de Pont Aven dende onde está a promover o movemento internacional Slow Food. Na aula
explicou a importancia e necesidade de aposta e promoción dos produtos locais e de tempada.
A aula UNED de Viveiro, punto de encontro e debate en innovación de turismo sostible
Relacionado
-
Unha persoa sufriu diversas queimaduras ao tratar de prender a cheminea con alcohol en Barreiros
-
‘Unha Vela por ti’, con motivo do 25N, en colaboración con Mujeres en Igualdad de Cervo
-
Castiñeira ve “sospeitoso que outro erro do alcalde lle permitira á empresa licitadora alegar por segunda vez a decisión da Corporación Municipal de non seguir co contrato da residencia mentres non estean claras as axudas aos usuarios”
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
