Viveiro, 28 de outubro de 2019. O Concello de Viveiro acolleu este fin de semana cun gran éxito de asistencia e participación a segunda edición de SuperArte, o Certame de Teatro Feito por Persoas con Diversidade Funcional, unha iniciativa que consolida o seu modelo de municipio “inclusivo e integrador”.
“O balance é moi positivo, cun gran traballo da concelleira de Cultura, Lara Fernández-Noriega, e moito máis público que o ano pasado, a sensación da organización é que se deu un paso adiante cunha repercusión en toda Galicia; de feito, diversas asociacións de diversidade funcional puxéronse xa en contacto co concello para interesarse e ofrecer a súa axuda de cara á organización do certame en 2020”, asegura a alcaldesa de Viveiro, María Loureiro.
En opinión da alcaldesa, “desde as administracións públicas temos que facer o posible para que as persoas con diversidade funcional convivan na sociedade con todos os seus dereitos e este certame pretende concienciar e sensibilizar á sociedade en xeral deste obxectivo, temos que comprender que é un traballo de todos”.
Nesta edición, a resposta da comunidade educativa do IES María Sarmiento e do CEIP Lois Tobío “foi marabillosa na charla ofrecida por Iván Vázquez e a súa familia; el ten un canal en YouTube no que mostra como é o día a día dunha familia xorda”. Escolléronse estes dous centros por que en cada un deles hai un alumno xordo e considerouse interesante que os seus compañeiros tiveran información sobre a xordeira, como deben facer ou a linguaxe de signos.
Por outra parte, contouse coa actuación da compañía semiprofesional de persoas xordas ‘El Grito’, de Madrid, á que asistiron como público un número importante de persoas xordas chegadas de toda Galicia.
O Concello de Viveiro quere agradecer o traballo da empresa Entresignos, de tradución a linguaxe de signos, xa que todas as actividades contaron con intérpretes. Grazas tamén ao Concello de Nigrán, que cedeu mochilas vibratorias, coas que as persoas xordas puideron asistir onte a un concerto inclusivo no que puideron sentir a música.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
