Ribadeo, 7 de outubro de 2019. O Concello está a traballar na campaña Ribadeo Camiño Seguro. Trátase dunha iniciativa que xorde coa intención de dar a coñecer o Camiño do Norte, as súas paisaxes e as súas xentes, potenciando a imaxe de Ribadeo como punto referente na entrada norte galega, con especial fincapé en ofrecer un entorno seguro para as mulleres que viaxan soas.
Segundo explican desde a Concellaría de Igualdade e desde o CIM “o obxectivo é sensibilizar ao conxunto da cidadanía, administracións públicas e entidades privadas sobre a importancia de xerar espazos que favorezan a prevención da violencia sexual nas rutas do Camiño de Santiago. Neste senso, o Concello de Ribadeo lanza un compromiso para prever e actuar fronte a situacións de violencia machista, poñendo o foco na violencia sexual que pode acontecer cando unha muller viaxa soa”.
A mensaxe principal da campaña Ribadeo Camiño Seguro é: Viaxar soa é unha opción, e unha vida libre de violencia machista, un dereito.
Desde o CIM e a Concellaría de Igualdade sinalan que “nos últimos meses desenvolvéronse varias fases de traballo. Por unha banda, elaboramos un estudo sobre experiencias de mulleres que viaxan soas, a través da convocatoria dun grupo de discusión con mulleres que partillaron as súas vivencias. Alén desta investigación, recompilouse información a través de notas de voz, chíos en internet e a tarxetas que se repartiron entre sector hostaleiro da vila. E en segundo lugar, elaboramos un vídeo de sensibilización e de divulgación da campaña a partir da información recollida, que se lanza nas redes sociais no día de hoxe, 7 de outubro”.
https://www.youtube.com/watch?v=Y7vsxFhDmmM
E engaden que “na actualidade estamos a construír un Pacto Local para a prevención da violencia machista no Camiño Norte, co que se pretende involucrar ás administracións e ao sector hostaleiro da vila para loitar contra a violencia machista. Para avanzar na concreción de actuacións e seguindo unha metodoloxía participativa, mantivéronse mesas de traballo onde estiveron presentes representantes a nivel político e técnico, así como o sector comercial e o Consello Municipal de Mulleres. O Pacto Local incorporará medidas de información, sensibilización/prevención e atención ante situacións de violencia machista que podan acontecer no marco do Camiño Norte”.
Viaxar soa é unha opción, e unha vida libre de violencia machista, un dereito. Esa é a mensaxe da campaña Ribadeo Camiño Seguro, que está a desenvolver o Concello
Relacionado
-
A Xunta dá continuidade ao obradoiro de emprego de xardinería que promoven os concellos de Cervo, Xove e Burela
-
Loureiro destaca “a capacidade do Porto de Celeiro para facer fronte aos problemas e os cambios do sector pesqueiro”
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
