Burela, 26 de outubro, 2019. O Pescados Rubén Burela FS conseguiu esta tarde non só dar continuidade á súa imbatibilidade, do mesmo xeito que o resto do podio, senón tamén atopar a chave do seu acerto goleador, cun claro 6-0 na visita do STV Roldán FSF na xornada 7.
Vista Alegre marcou a vantaxe na primeira parte con 2-0, de Dany e Peque. A 7 laranxa abriu e pechou a conta goleadora na segunda parte, con dianas tamén de Cilene e Jenny Lores.
Dominio, velocidade, calma para tomar as decisións acertadas e máis afinación sobre a rede, ademais de gran participación de todas as xogadoras. “Foi un partido moi completo en todos os aspectos. Xogamos cunha gran velocidade, participando 3-4 xogadoras en accións ofensivas e defensivamente con gran reacción; viuse na última xogada, a falta de 20 segundos, con repregamentos das catro que estaban en pista. Este é o Burela que quero ver, o que fai gozar á xente” explicaba Julio Delgado ao finalizar o encontro. “Hoxe demostramos que podemos aspirar a todo e ademais con marxe de mellora. Temos que ir medrando aos poucos chegar o mellor posible aos play off e iso é o que trato de transmitirlles ás xogadoras”, puntualizaba o técnico.
Ficha técnica
Pescados Rubén Burela FS: Ana Romero, Dany, Cilene, Peque, Jenny Lores, cinco inicial; tamén xogaron Jenny, Ale de Paz, Bea Mateos, Luci, Lara Balseiro, Jane, Jozi
STV Roldán FSF: Etayo, Claudia, Bet, Ángeles, Marta, cinco inicial; tamén xogaron María, Mio, Tere, Cristi, Alba
Goles: 1-0, minuto 3, Dany; 2-0, minuto 17, Peque; 3-0, minuto 21, Peque; 4-0, minuto 25, Cilene; 5-0, minuto 29, Jenny Lores; 6-0, minuto 37, Peque
Árbitros: Martínez Torres // Castro Nantes. Por Burela amarela a Jenny (minuto 15). Por Roldán amarela a Bet (28), Ángeles (39)
Incidencias: Partido correspondente á xornada 7 de Primeira División disputado no pavillón Vista Alegre de Burela
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
