Lugo, 29e outubro, 2019. O Grupo Provincial do PP recordou durante a sesión plenaria deste martes que “nunca tantos recursos se destinaron nos Orzamentos da Xunta á sanidade” que, para a vindeira anualidade, suporán máis do 40% das contas do Goberno galego para esta materia. “Incluso co bipartito, que no seu momento dispuxo dos orzamentos con máis recursos da historia de Galicia, non se destinaron tantos recursos á sanidade”, recalcaron os populares. “Pasamos de investir 121 a 185 millóns de euros en sanidade, polo que non entendemos que se trate dun recorte”, aseguraron en relación ás críticas dos grupos do goberno bipartito da Deputación ao goberno galego.
O deputado do PP Javier Castiñeira citou durante a súa intervención algúns dos investimentos que o Goberno do Partido Popular na Xunta dirixiu á provincia de Lugo nos últimos 10 anos en materia sanitaria. O popular lembrou que “se puxo en servizo ao Hula dotado de equipamento despois de que o bipartito na Xunta o deixara en ladrillo; tamén se está ampliando o Hospital Público da Mariña e prevese ampliar o Hospital de Monforte con 17 millóns de euros”.
O deputado popular engadiu que “tamén se puxeron en marcha servizos importantísimos como a Hemodinámica, a hospitalización a domicilio ou, no caso da Mariña e Monforte, o tan importante servizo de oncoloxía para os doentes de cancro destas comarcas”. E para o barrio da Residencia, en Lugo, recóllense nos orzamentos do vindeiro ano o investimento de 7 millóns de euros para o Centro Integral de Atención Primaria. “Son en definitiva millóns de euros os destinados á reforma de hospitais, centros de saúde e tamén para o 061”, afirmou Castiñeira.
O Goberno do PP implantou a ambulancia medicalizada en Foz
Os populares recordaron que “foi o Goberno de Feijóo o que no 2010 -co recente rematado goberno bipartito na Xunta que nos últimos catro anos non fixera nada pola Mariña- dotou a Foz dunha ambulancia medicalizada a modo de proxecto piloto”.
Dende o Grupo Provincial Popular votaron a favor de que o Servizo de Transporte de Urxencias Sanitarias 061 conten coa dotación completa formada por un médico ou médica, un enfermeiro ou enfermeira e dous técnicos de urxencias sanitarias; en consonancia coa súa satisfacción polo servizo e o equipamento e polo feito de que, agora, “ese modelo se exporte ao Salnés e a Monforte”. Na mesma liña, puxeron en valor dous servizos básicos que ofrecen as ambulancias medicalizadas: os traslados inter-hospitalarios de pacientes críticos –onde o segundo técnico é menos necesario- e a asistencia primaria ou emerxencias -que representan máis do 50% das actuacións destas ambulancias medicalizadas e onde cren que “a asistencia do segundo técnico é imperiosa”-.
Así mesmo, Castiñeira tivo palabras de agradecemento para os médicos, enfermeiras e, especialmente, para os técnicos das ambulancias en sinal de recoñecemento polo seu labor; xa que, “con todo o equipamento e o persoal da ambulancia, ofreceron durante este tempo un servizo moi efectivo en Foz. Votamos a favor porque queremos seguir mellorando e queremos melloras para a comarca da Mariña e, por suposto, para a de Monforte” onde “ademais dos servizos sanitarios xa implantados, se ven de implantar o servizo de ambulancia medicalizada en Monforte e unha ambulancia básica 24 horas no Courel”, apuntou.
O presidente non fixo intervención final
Os populares incidiron, ademais, que no punto da orde do día no que se debateu a moción socialista sobre as melloras nas dotacións de persoal e nos horarios das ambulancias de Foz e Monforte “o presidente non fixo intervención final”. Isto quere dicir que “Tomé está dacordo coas nosas argumentacións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
