Mondoñedo, 14 de outubro do 2019. Dada a existencia de varias alternativas que evitarían o desembolso de tal cantidade de diñeiro, o BNG de Mondoñedo no pleno extraordinario urxente celebrado o pasado venres 11 de outubro opúxose á compra do antigo hospital de Cabanela por 450.000€ para que a Consellería de Política Social instale alí un centro tutelado de menores.
-450.000€ A DEVOLVER EN 8 ANUALIDADES-
O goberno de Mondoñedo solicitou acceso ao Fondo de Cooperación do Instituto Galego de Vivenda e Solo para a adquisición dun préstamo a longo prazo por importe de 450.000€ para a compra do antigo sanatorio de Cabanela, préstamo que o concello devolverá en oito anualidades de 56.250€ cada unha.
O concelleiro do BNG, Eloi Cabanas manifestou o seu voto en contra porque “non vemos a necesidade de gastar diñeiro público de todos os mindonienses neste edificio cando no concello hai inmobles propios ou da consellería que poderían ser empregados perfectamente para este fin”.
Segundo o edil nacionalista o edificio onde estaba situado anteriormente o INEM, que é propiedade do concello, podería albergar perfectamente un centro destas características e a nave que hai no Barrio dos Muíños, propiedade do IGVS, que está sendo empregada polo concello como almacén tamén se podería adaptar.
-CESIÓN A UNHA FUNDACIÓN-
No pleno do pasado venres o BNG tamén mostrou o seu desacordo coa cesión de uso do inmoble á fundación que resulte finalmente adxudicataria pola Xunta de Galiza para ofrecer o servizo. “Pensamos que a cesión do uso do inmoble debería ser á Consellería de Política Social que é a que ten que comprometerse en garantir a prestación do servizo e non a unha fundación como aprobou o goberno municipal o venres no pleno”.
-A FAVOR DE QUE SE IMPLANTE O SERVIZO EN MONDOÑEDO-
Eloi Cabanas aclara que o BNG está de acordo en implantar o servizo en Mondoñedo, “non poñemos en cuestión a implantación do centro de protección a menores na localidade pero entendemos que os pasos que deu o goberno de Elena Candia con este tema non foron na boa dirección”. Para o BNG e o resultado das xestións do goberno poderían ser máis vantaxosas para as arcas municipais do concello e lamenta que no canto de “obcecarse” coa compra do antigo sanatorio non se barallaran en serio outras posibles opcións onde situar o servizo .
-CRITICAS POLO ABUSO DE PLENOS EXTRAORDINARIOS-
O voceiro nacionalista tamén criticou o abuso que está a facer a alcaldesa dos plenos extraordinarios desde as eleccións municipais do mes de maio, apunta que sen ter en conta o pleno de constitución da nova corporación e o pleno de organización, neste novo mandato van convocados catro plenos extraordinarios por só un ordinario. Critica que non se saiba a data de celebración do pleno ordinario que se debería ter celebrado xa o pasado 27 de setembro, “isto provoca que se estea dilatando no tempo o debate de iniciativas de interese presentadas pola nosa formación no concello”.
Cabanas explica que este novo mandato a alcaldesa cambiou o criterio co que chegara ao goberno no ano 2015 ao reducir á metade as sesións plenarias a razón de unha cada dous meses e denuncia que “esta media, aínda que legal, tampouco se está cumprindo co cal dificulta moito a nosa labor de oposición e así non se poden levar ao día mocións, rogos e preguntas de interese para a veciñanza”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
