Cervo, 11 de outubro de 2019. O BNG aproveitou a sesión plenaria celebrada en Cervo na tarde de onte para pedir explicacións ao grupo de goberno ante as deficiencias na xestión do Centro de Día-Residencia inaugurado no concello hai pouco máis dun ano. O portavoz nacionalista, Diego Fernández, “botou en cara ao alcalde que se podería estar incumprindo o prego de condicións acordadas para ceder a xestión a “Mensajeros de La Paz” deste centro de titularidade municipal mentres o goberno local mira para outro lado”.
O goberno local ten obriga de velar polo cumprimento do prego de condicións da privatización
Diego Fernández “criticou a compracencia do goberno municipal do PP diante de actuacións pouco éticas” da empresa concesionaria “Mensajeros de La Paz” recordándolle ao goberno local a súa obriga de velar polo cumprimento do prego de condicións coas que se privatizou a xestión do centro, polo benestar das persoas usuarias, e o cumprimento da legalidade.
Opacidade da Comisión de Seguimento do Centro de Dia e Residencia
O portavoz municipal do BNG criticou a opacidade con que se celebran as reunións da comisión de seguimento do Centro de Día e Residencia do Concello de Cervo, descoñecemos o contido desas reunións das que se levantan actas pero non se fan públicas, polo que reclamamos o noso dereito a coñecer o seu contido. Non parece lóxico que podamos coñecer a xente usuaria do Servizo de Axuda no Fogar e non o contido desas reunións.
Malas prácticas da empresa concesionaria e consecuencias na calidade do servizo
O Grupo Municipal do BNG especificou que “a empresa usa o local de enfermería como habitación individual, e o persoal de enfermeira foi substituído por persoal de xeriatría, non capacitado para cumprir determinadas funcións”. Os nacionalistas tamén “denuncian abusos co seu cadro de persoal que non conta con calendarios laborais a longo prazo senón mensuais e que poden ser modificados a criterio da empresa sen previo aviso, co que a se dificulta enormemente a conciliación familiar do seu persoal, e mesmo pode crear problemas na calidade do servizo”.
Aos edís nacionalistas sorpréndelles o “pouco rigor profesional” na xestión da empresa concesionaria, e cualificaron a do goberno local de “abandono e desinterese no cumprimento da súas obrigas” con consecuencias na permisividade dos abusos empresariais co persoal laboral contratado, aínda que isto teña consecuencias na calidade do servizo prestado.
Diego Fernández afirmou que “o que estamos denunciando é grave, e animou a alcalde a ocuparse das cousas do concello que goberna e convidouno a visitar o CDR para coñecer de primeira man o que alí sucede, e preguntoulle ao grupo de goberno do PP se está ao tanto destas irregularidades, se están de acordo con elas, ou se pensan solucionar os problemas existentes ou deixalos pasar como ate agora”, rematou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
