Ribadeo, 28 de outubro de 2019. Os locais hostaleiros asociados a Acisa poderán pechar unha hora máis tarde as madrugadas do 31 de outubro ao 3 de novembro, do 5 ao 8 de decembro e tamén do 23 ao 25 de decembro e do 30 al 31 de decembro, así como as madrugadas dos venres e dos sábados do último mes do ano. Pendente queda a notificación para a madrugada de fin de ano.
Desde a xerencia de Acisa, Jesús Pérez, explica que “a ampliación horaria para as datas indicadas será dunha hora sobre a habitual que marcan as licencias correspondentes. No caso de fin de ano a ampliación solicitada é de tres horas máis, pero está pendente de aprobación e será comunicada aos nosos asociados e asociadas ao longo do vindeiro mes de novembro”.
Pérez lembra que “so se poden beneficiar desta ampliación os establecementos asociados a Acisa Ribadeo, por iso dende a asociación creemos que este é un servizo moi interesante e unha vantaxe mais para que outros hostaleiros se dean de alta na nosa asociación”. E subliña que “esta ampliación é concedida pola Consellería de Presidencia da Xunta, tras un informe favorable do Concello de Ribadeo e da Comisión de Espectáculos Públicos e Actividades Recreativas de Galicia, e está amparado pola Lei 10/2017de espectáculos públicos e actividades recreativas e pola orde do 16 de xuño de 2005, onde se establece a posibilidade de solicitar ditas ampliación pagando as correspondentes taxas”.
Desde a directiva de Acisa insisten en que “as forzas de seguridade están ao tanto dos establecementos asociados que se benefician destas ampliacións horarias para evitar molestias e para velar polo cumprimento desta normativa. Cremos que en especial no Nadal, datas de moitas celebracións e de ceas de empresa, este servizo que prestamos é moi positivo para as asociadas e asociados”.
Tapeo en novembro
A vindeira semana, os días 7 e 8 de novembro, dará comezo unha nova actividade que se desenvolverá ao longo dos xoves e venres dese mes. “Trátase dun tapeo co que pretendemos dinamizar as esas noites de novembro, que é un mes moi baixo para o sector hostaleiro. Aqueles locais que queiran participar teñen ata mañá, día 29, para anotarse en Acisa”, engade Jesús Pérez, o xerente da asociación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
