O presidente da Xunta, Alberto Núñez Feijóo, visitou a planta de Alcoa San Cibra onde estivo acompañado pola ministra de Industria, Comercio e Turismo, Reyes Maroto. Alcoa San Cibrao, San Cibrao (Lugo), 8 de outubro de 2019
Cervo, 8 de outubro de 2019.- O presidente da Xunta, Alberto Núñez Feijóo, pediu hoxe ao Ministerio de Industria, Comercio e Turismo que faga pública a proposta do estatuto do consumidor electrointensivo para trasladar confianza e certezas a empresas como Alcoa.
Durante unha visita á planta de Alcoa San Cibrao xunto á ministra de Industria, Reyes Maroto, Feijóo incidiu na necesidade de coñecer o contido e alcance do estatuto e do que a Xunta aínda non ten borrador, para poder mandar unha mensaxe de tranquilidade aos 2.000 traballadores de Alcoa, á comarca, así como ás empresas hiperelectrointensivas como esta, dixo, subliñando a necesidade de que se inclúa un apartado para as empresas deste tipo.
Nesta liña, recordou que no caso de Alcoa a enerxía supón máis do 40% dos custos totais de produción, unha porcentaxe moi superior ao doutras fábricas en Europa, xa que o prezo do megavatio/hora subiu un 50% nos últimos dous anos. “Hai que polo tanto buscar e atopar a solución necesaria para volver aos custos eléctricos que había antes de 2018, xa que se estabamos no entorno dos 35€/MW, agora estamos nos 50 €/MW”, precisou.
O titular da Xunta expresou a importancia de que todas as administracións traballen unidas para buscar solucións que acheguen estabilidade e garantías; “e sexa cal sexa o próximo Goberno central a postura da Xunta será a mesma, tratar de buscar un horizonte estable para conseguir dous obxectivos: o mantemento da actividade industrial e os postos de traballo”, abundou.
Ademais da necesidade de pechar o Estatuto do consumidor electrointensivo, avogou tamén por incorporar á mesa de traballo en Madrid ao comité de empresa de Alcoa San Cibrao, parte esencial para a busca de solucións. E reiterou a importancia de que o Goberno central aprobe canto antes a xa anunciada ampliación das compensacións dos gastos indirectos de CO2; “unha medida –recordou- que está autorizada por Bruxelas”.
O presidente do Executivo galego concluíu aseverando que a Xunta sempre estará á disposición do Goberno de España para apostar pola estabilidade e o futuro da industria e o emprego na Comunidade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
