Lugo, 29 de Outubro de 2019. A Deputación de Lugo reclamará medidas urxentes para garantir o futuro de Alcoa en San Cibrao e da central térmica de Endesa nas Pontes. Así o acordou este martes o Pleno, no que destacou a unanimidade de todos os grupos políticos para sacar adiante cuestións de calado para a provincia. Deste xeito, aprobouse ademais, co consenso de PSdeG, BNG e PP, a reclamación dunha Autoridade Portuaria propia para o porto de San Cibrao, impulsada polo Grupo Provincial Socialista, así como a esixencia de melloras nas dotacións de persoal e horarios para as ambulancias de Foz e de Monforte. Á sesión plenaria acudiron representantes municipais dos concellos afectados pola problemática industrial, así como da Federación de Veciños e da Confederación de Empresarios de Lugo (CEL), entidades que reivindican a Autoridade Portuaria de Lugo.
Respecto do futuro da planta de aluminio que Alcoa ten en San Cibrao e do da central térmica de Endesa nas Pontes, a Corporación da Deputación de Lugo votou a favor de reclamar medidas de carácter urxente á Xunta de Galicia e ao Goberno do Estado para garantir a súa viabilidade. O acordo unánime chegou logo da proposta do Goberno que defendeu a Deputada María Loureiro. A socialista recalcou a importancia das dúas compañías para o futuro económico da provincia e lembrou que o Executivo tivo que levar esta proposta ao Pleno porque o Partido Popular non quixo na anterior sesión incluír nunha moción a responsabilidade da Xunta na política industrial, cando o Estatuto de Autonomía, no seu artigo 30, lle confire as competencias neste eido.
Cal é a política industrial da Xunta de Galicia?
“Equivocan ao responsable”, rebateu o Presidente da Deputación, José Tomé, á bancada popular. O mandatario provincial argumentou que Pedro Sánchez, a pesar de levar menos dun ano con plenos poderes no Goberno de España, arranxou o problema de Alcoa na Coruña e está tomando medidas para corrixir as dificultades da compañía en Lugo. “E que fai o señor Feijoo? Andou de paxaro de mal agoiro dicindo que a Alcoa Coruña non a ía comprar ninguén, sementando pánico entre os traballadores”. “Por que non nos explican vostedes cales son os compromisos da Xunta e do señor Feijóo con Alcoa e coas Pontes? Porque eu vexo outros gobernos autonómicos que si se comprometen coas súas industrias. Cal é a política industrial da Xunta de Galicia? Como aplican o articulo 30 do Estatuto de Autonomía que sinala as competencias propias nesta materia?”, preguntaba Tomé aos deputados do Partido Popular.
O Presidente da Deputación dixo que de Alberto Núñez Feijóo non se pode esperar “nada de nada, porque só sabe criticar, contar contos e sacar fotos. Esa é a triloxía do señor Feijóo, pero de medidas económicas para sacarnos dos problemas, cero. Agora ocórreselle dicir que vai facer un plan de reindustrialización. Onde está? Que leva dez anos no goberno. Díganlle ao señor Feijóo que menos palabras, menos fotos e máis feitos”.
Autoridade Portuaria
A Corporación Provincial acordou, tamén por unanimidade, que a Deputación de Lugo defenda a necesidade dunha Autoridade Portuaria propia para Lugo, logo da moción do Grupo Socialista. A institución reclamará ao Goberno central, no momento no que teña as competencias plenas despois das eleccións, a creación para o porto de San Cibrao dun organismo de xestión independente.
A Deputada Mayra García sostivo que Lugo é a única provincia marítima do Estado cun porto de interese xeral que non ten autoridade propia e que “é o momento de retomar esta demanda e rematar así cunha anomalía do sistema portuario español”. Segundo recalcou, “é fundamental, para garantir a supervivencia económica da comarca contar cun activo económico da importancia do porto de San Cibrao. Unha infraestrutura que cunha xerencia propia podería abrirse a novas posibilidades económicas, novos tráficos comerciais, e a unha maior implicación coa súa contorna”.
A proposta socialista saíu adiante cunha emenda de engádega do BNG, que, segundo explicou o voceiro desta formación, Efrén Castro, propuxo a apertura ao tráfico comercial do dique norte e, en tanto non se crea a Autoridade Portuaria, o reequilibrio de poderes na actual entidade de xestión de San Cibrao-Ferrol para que Lugo teña un maior peso á hora de decidir os investimentos.
Melloras sanitarias para Foz e Monforte
A Corporación aprobou así mesmo, a proposta dos socialistas, esixir melloras á Xunta de Galicia nas dotacións de persoal e nos horarios das ambulancias de Foz e de Monforte. A moción do PSdeG contou co respaldo de todos os grupos políticos con representación na Deputación de Lugo e puxo en evidencia as discriminacións que sofre a provincia de Lugo en materia sanitaria. “Os lucenses estamos a pagar a mala xestión sanitaria da Xunta de Galicia, que insiste en sinalarnos como cidadáns de segunda”, argumentou Pilar García Porto. A voceira socialista do Goberno remarcou as deficiencias nas ambulancias con base en Foz e en Monforte, que non contan, dixo, con todos os medios esixidos para dar unha óptima atención no servizo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
