Lugo, 25 de outubro de 2019. A Xunta de Goberno da Deputación de Lugo aprobou hoxe un convenio de colaboración entre o organismo provincial e o Concello de Viveiro coa finalidade de emprender accións conxuntas que melloren a localidade. A voceira socialista do Goberno, Pilar García Porto, sinalou que “a Deputación fará unha achega de 155.000 euros e a administración local de 18.074 €, co obxectivo de impulsar o turismo e renovar os servizos municipais”.
Este convenio inclúe dúas liñas de traballo. “Na liña 1 recóllense actividades culturais, festivas, deportivas e turísticas, como son o caso do Entroido, os Maios, a romaría do Naseiro, as Festas do Nadal e a Rapa das Bestas de Candaoso, datas nas que se van investir 95.000€”, explicou García Porto.
Con respecto á liña 2, as actuacións van destinadas á mellora dos servizos e infraestruturas municipais. “En concreto son adquisición de dispositivos de fichaxe dos traballadores, elementos de sinalización para reforzar a seguridade do tráfico municipal, vehículo municipais, un terreo para consolidar o muro do cemiterio, 19 láminas solares para os ventanais da piscina municipal, adquisición de elementos para a suxeición dos contedores de lixo e diferente maquinaria de xardinería”, puntualizou. Ademais, contémplase a elaboración dun vídeo promocional do Concello de Viveiro.
Nesta mesma Xunta de Goberno, tamén se lle deu o visto e prace a un convenio coa entidade La Unión de Sarria para outorgarlle una subvención de 45.000 euros. O obxectivo, segundo explicou a voceira socialista do Goberno, é “colaborar no financiamento dos gastos derivados da rehabilitación e acondicionamento do interior do edificio social deste colectivo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
