Alfoz, 24 de setembro de 2019. Tan só un día despois de que Via Alfoz presentase por rexistro unha moción instando ao pleno para que o Concello de Alfoz, no ámbito das súas competencias, cree o Rexistro de Vivendas Baleiras de Alfoz, coa finalidade principal de paliar a perda de poboación coa posta en valor das vivendas deshabitadas, o propio goberno municipal lanza a noticia da creación dunha bolsa de vivendas sen esperar tan sequera á celebración do Pleno, que terá lugar o vindeiro venres.
Desde Via Alfoz aplauden esta medida, aínda que se senten sorprendidos non só polo momento da súa publicación, senón porque “esta iniciativa foi proposta por Via a mediados da pasada lexislatura sen conseguir o apoio por parte do Psoe”, indican desde o Grupo Municipal. En calquera caso, desde Via, consideran fundamental que este tema se debata no Pleno pois, a proposta que se formula na moción, non parece corresponder exactamente á medida do actual goberno de Alfoz.
Vía Alfoz considera que, coa creación do Rexistro de Vivendas Baleiras de Alfoz, se conseguirá informar e facilitar o contacto entre propietarios de vivendas baleiras e os potenciais inquilinos ou compradores. Non obstante, deberán ser exclusivamente as partes interesadas as que fixen os termos dun posible acordo, sen que o Concello de Alfoz poda predeterminar, valorar, nin condicionar o negocio xurídico que, no seu caso, celebren libremente as partes baixo a súa responsabilidade e que se rexerá pola lexislación aplicable. A creación deste rexistro será un complemento ao Programa de Vivendas Baleiras do Instituto Galego de Vivenda e Solo, destinado, sobre todo, ás vivendas que non cumpran as condicións que esixe dito programa ou aquelas cuxos propietarios pretendan a súa venda.
Respecto ao Programa de Vivendas Baleiras do IGVS, desde Via recordan que no pleno celebrado o 1 de marzo de 2019 se acordou por unanimidade comunicarlle ao IGVS o desexo do Concello de Alfoz de participar en dito progarma. Posteriormente Joge Val, alcalde de Alfoz, e Xabier Pardiñas, actual voceiro de Via e daquela responsable de urbanismo e vivenda do concello, participaron nunha reunión en Santiago no propio Instituto Galego de Vivenda e Solo, para aprobar definitivamente as bases reguladoras do programa de vivendas do Concello de Alfoz no pleno de 19 de abril de 2019. O propio Xabier Pardiñas sorpréndese deste “acto propagandístico”, indicando que “non entendo porque neste momento se promete algo que xa está aprobado na lexislatura pasada”. Recorda ademais sobre este tema xa houbera discrepancias entre Via e o Psoe pois, “mentres que nós queríamos que o programa se aplicara tanto para vivendas de propiedade pública como privada, desde o Psoe tan so pretendían adherirse ao programa para rehabilitar as antigas casas dos mestres” razón pola que insiste “síntome sorprendido pero ao mesmo tempo satisfeito de que o señor Val corrixise o seu erro e nos dese a razón. Para algúns as cousas solo están ben cando saen da súa boca”. Xabier Pardiñas recorda así mesmo que “en alusión ao subvencións para rehabilitar as antigas vivendas de mestres debo indicar que a convocatoria do ano 2019 rematou o pasado 31 de maio, estando o goberno en funcións” non estando convocadas neste intre a seguinte anualidade. Ademais, como recorda Pardiñas “o Concello de Alfoz non cumpre actualmente todos os requisitos para poder solicitar esta axuda”.
VIA aplaude que o goberno de Alfoz se acorde agora das vivendas baleiras
Relacionado
-
O PPdeG considera que o novo pronunciamento de Europa sobre Altri deixa en evidencia ao BNG e á esquerda: “Seis veces preguntaron e seis veces dixéronlles que non hai incumprimento”
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
