Burela, 13 de setembro de 2019. Este mediodía tivo lugar no salón de pleno do Concello de Burela unha recepción ao Burela FSF tras os últimos éxitos deportivos conseguidos. Co equipo estiveron o alcalde, Alfredo Llano, a concelleira de Muller, Noelia Mª Ben, e o concelleiro de Deportes, Ramiro Fernández. O Burela FSF recibiu un agasallo conmemorativo.
Fernández Rey explicou que “vimos de facerlles unha recepción ás nosas guerreiras laranxas, ás que foron semanas atrás campioas da Supercopa de Europa e a semana pasada tamén campioas da Supercopa de España”.
O edil burelés explicou que “é un acto máis de recoñecemento a estas rapazas que están poñendo o nome de Burela en todo o mundo. Estamos súper orgullosos de que isto sexa así e as perspectivas para esta tempada son que sigan logrando éxitos. Desde o Concello queremos recoñecerlles ese mérito e ese labor que fan por Burela, que eu penso que ten que ser compartida por todos os veciños e veciñas do concello porque este labor de promoción do pobo que están facendo non se paga con cartos, desde logo, e que menos que ter un recoñecemento con elas e intentar axudarlles en todo o que podemos desde o Concello”.
Para o concelleiro de Deportes “isto tamén é mérito, evidentemente, da directiva do club e da afección. Hai que facer tamén un recoñecemento especial a toda esa xente que estivo o venres pasado en Madrid, que fixo un montón de quilómetros para poder estar alí animando a estas rapazas. Eu tamén, desde o Concello, quero facerlle un recoñecemento a esa afección incombustible que ten o club. E tamén quero agradecer o traballo de toda a directiva porque é un labor inxente e moitas veces incluso cuns medios limitados para poder aguantar dous equipos nunhas ligas profesionais, como é o caso de Burela, que é único en España. Desde o Concello vamos seguir apoiando en todo o que poidamos ao club para que siga levando o nome de Burela por toda España. E desde logo ese recoñecemento do alcalde, meu, de todo o equipo de goberno e de toda a corporación”.
Fernández Rey engadiu: “temos que estar orgullosos destas rapazas e do Burela Fútbol Sala a nivel de club. Estes éxitos que están conseguindo seguro que co paso do tempo os valoraremos moito máis porque agora a verdade é que nos teñen acostumados a gañar moitos títulos. E igual veñen épocas non tan boas polo que hai que quedarse con isto, co recordo destes títulos, con todo o labor de promoción de Burela que está facendo o club por toda España e por toda Europa. Queremos agradecerlles ese traballo e recoñecérllelo con este acto que acabamos de ter aquí no Concello.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
