Burela, 1 de setembro, 2019. As Guerreiras cumpriron co seu primeiro obxectivo de 2019-20 brillando en Europa. O Pescados Rubén Burela FS alzouse co título do 4 Nation Women’s Cup de Milán esta tarde con vitoria de 3-8 sobre o anfitrión, Kick Off C5 Milano. A terceira praza foi para Budstar de Ucrania, con 4-7 sobre o ruso Lagoa Uor.
A finalización volveu reinar nas filas laranxas, aínda que se resistiu un pouco máis que no 2-9 da semifinal ante as rusas, cunha primeira parte moi igualada. Ale de Paz, ao segundo pau a pase de Jane tras roubo, e de Jenny Lores en xogada similar a pase de Lara Balseiro, puxeron o 0-2 en tan só un minuto, no 6. As anfitrioas responderon co empate, nas proximidades do ecuador do primeiro acto, con Debora de disparo afastado que golpeaba nunha defensora lucense, e falta afastada de Arianna. Bea Mateos enfundouse no xogo de cinco na recta final. A escasos 27 segundos do descanso, Jenny devolveu a vantaxe para as de Julio Delgado, en contragolpe.
Traso descanso, o Pescados Rubén ampliou a renda cun disparo que tocou en Arianna e máis tarde Jane e Peque. As italianas puideron recortar distancias de novo no 30 con xogada persoal de novo nas zapatillas de Debora.
Jenny Lores contestou pouco despois para anotar o sétimo. As anfitrioas optaron por porteira xogadora e Lara Balseiro aproveitou para anotar o definitivo 3-8.
Próximo obxectivo, Supercopa
Tan só quedan cinco días para o próximo obxectivo das mariñás, no primeiro gran reto da tempada. O venres, ás 21.00 horas, as Raíñas pelexarán pola Supercopa de España fronte ao campión de liga, Futsi Atlético Navalcarnero, en Las Rozas. A presentación da cita terá lugar o martes, día 3, ás 17.30 horas, na sede da RFEF.
Ficha técnica
Kick Off C5 Milano: Irene, Valeria, Debora, Antonella (19), Arianna, cinco inicial; tamén xogaron Antonella (9), Brenda
Pescados Rubén Burela FS: Ana Romero, Peque, Dany, Cilene, Jenny, cinco inicial; tamén Lara Balseiro, Jane, Jenny Lores, Ale de Paz, Luci, Jozi, Bea Mateos
Goles: 0-1, min. 5, Ale de Paz; 0-2, min. 6, Jenny Lores; 1-2, min. 9, Debora; 2-2, min. 10, Arianna; 2-3, min. 20, Jenny; 2-4, min. 23, Arianna (propia porta); 2-5, min. 24, Jane; 2-6, min. 29, Peque; 3-6, min. 30, Debora; 3-7, min. 32, Jenny Lores; 3-8, min. 35, Lara Balseiro
Árbitros: Daniele Biondo // Davide de Ninno
Incidencias: Final do 4 Nations Futsal disputada no Palazetto dello Sport de Milán
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
