Viveiro, 11 de setembro, 2019. O Grupo Municipal do Partido Popular de Viveiro esixe ao Goberno local, a través dun rogo, “a reparación da estrada local que enlaza no quilómetro 1,5 da LU-6611 e que vai o lugar da Carreira en Fontecoba”; xa que, segundo os populares, “se atopa en moi malas condicións para circulación en condicións de seguridade”.
Para os populares as actuacións deben incluír “o marcado, cando menos lateral, da vía de referencia para que tanto as persoas coma os vehículos poidan circular de forma segura”. Así mesmo, é preciso “reparar as pontes existentes que dan acceso ás vivendas e ás fincas; xa que están totalmente destruídas”; así coma “a limpeza e mantemento do río Fontecoba en toda a súa canle para evitar posibles inundacións ante risco de riadas”.
Os concelleiros do PP explican que estas melloras son necesarias; xa que “gran parte do firme desta estrada se atopa moi deteriorado, ademais de que as dúas pontes sobre o río Fontecoba se atopan totalmente destruídas. Esta situación obriga tanto aos veciños e veciñas coma aos propietarios de fincas da zona a percorrer varios quilómetros para acceder ao lugar, pasando incluso por propiedades privadas”, explican. Nese sentido, e tendo en conta que as competencias en materia de vías públicas tanto rurais coma urbanas é municipal; recórdanlle ao Goberno local “a obriga de mantelas en bo estado para o seu uso común xeral”.
Obstrución da canle do río Fontecoba
Dende o Grupo do PP no Concello de Viveiro denuncian tamén que “o río Fontecoba que transcorre de xeito paralelo á estrada atópase en total estado de abandono e a súa canle obstruída en varios puntos debido á caída de materiais das pontes e á súa falta de mantemento”.
A este respecto, sinalan os edís do Partido Popular viveirense que “as actuacións ordinarias de conservación, mantemento e limpeza de canles fluviais que discorren por zonas urbanas deben ser executadas polas entidades locais”. Deste xeito, reclaman a intervención de medios municipais para a súa limpeza como “medida de prevención ante posibles riadas”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
