Ribadeo, 23 de setembro de 2019. A Concellaría de Medio Ambiente repartirá arredor de vinte contedores para uso exclusivo para os supermercados da vila e para os vendedores e vendedoras da praza de abastos, segundo ven de anunciar Jorge Díaz Freije. Este departamento tamén actuará no perímetro do Forte de San Damián.
O edil ribadense dixo que “na Concellaría de Medio Ambiente estamos a traballar en varias cuestións que queremos ir poñendo en marcha ao longo das vindeiras semanas e meses. Unha das primeiras será dotar de contedores do lixo aos supermercados da vila e aos vendedores e vendedoras da praza da abastas. Serán uns vinte recipientes para o seu uso exclusivo, que estarán perfectamente rotulados e contarán con peche. Serán eses establecementos os que se encargarán de sacalos á rúa cando rematen as súas xornadas de traballo e de recollelos ao día seguinte. Tamén correrá da súa conta a súa limpeza e o seu lavado”.
Para Jorge Díaz “deste xeito eliminaremos moitos cheiros innecesarios das rúas, sobre todo en época de calor”. O concelleiro de Medio Ambiente agarda repartir estes contedores ao longo do mes de outubro.
Outra das medidas nas que traballa o edil ribadense é na limpeza do perímetro do Forte de San Damián: “por dentro xa se limpa, así como a zona de árbores e xardín dos arredores, pero queda pendente o seu perímetro, as enredadeiras que colgan das súas paredes, etc… en principio a intención é facelo con persoal propio do Concello, pero si fose necesario recorrer a outros profesionais fariámolo”. Díaz Freije comentou que “penso que é a primeira vez que se vai actuar no perímetro do forte, algo que me parece bastante necesario”.
O concelleiro de Medio Ambiente adiantou tamén que “no meu departamento imos proceder a revisar a ordenanza municipal de medio ambiente, para adaptala aos novos tempos que vivimos. Estou convencido de que hai aspectos, de que hai puntos que se poden mellorar”.
Jorge Díaz Freije aproveitou a ocasión para “agradecer o traballo realizado polo persoal de Medio Ambiente durante todo o verán, xa que son datas nas que hai moitos eventos e moitas actividades lúdicas, que obrigan a intensificar o traballo e tamén a xornada laboral. Tamén quero dar as grazas a todo o voluntariado que estivo o pasado 14 de setembro na media maratón Ribadeo-As Catedrais. Agardamos seguir contando con eles e con elas para que esta cita deportiva siga a ser un éxito ano tras ano”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
