Foz, 25 de setembro de 2019. O O colectivo Amigos de Ceferino, constituído hai cinco anos na Mariña, volve un ano máis a celebrar unha homenaxe en memoria do histórico socialista e galeguista do PSdeG-PSOE, Ceferino Díaz. Nesta ocasión, ao tradicional debate e xantar, súmase a inauguración dun monólito na súa memoria que se emprazará no Paseo da Rapadoira.
“Ceferino é un dos maiores valores políticos que tivo Galicia”, explican as persoas convocantes. “A súa defensa e entrega ao país dende o galeguismo, o seu esforzado traballo polo Estatuto de Autonomía dende o convencemento de que sería a mellor ferramenta para loitar por Galicia e a súa calidade humana son razóns máis que suficientes para facerlle esta homenaxe”, explican, convencidos de que co monólito -situado nun lugar tan transitado- as novas xeracións terán curiosidade por coñecer a traxectoria vital e política dun home “bo e xeneroso” que fixo en parte posible o país no que viven.
Monólito, mesa redonda e xantar de confraternización
O descubrimento do monólito -que reza ‘A Ceferino Díaz. Exemplo de compromiso co País. Un home socialista, galeguista, bo e xeneroso. As súas amizades’- terá lugar este sábado ás 14.00 horas. Previamente, ás 12.00 horas desenvolverase no Hotel Oca de Foz unha mesa redonda que leva por titulo; ‘O galeguismo na actual conxuntura política e institucional’. Un acto no que participarán o ex-Presidente da Xunta de Galicia, Emilio Pérez Touriño; o arquitecto e ex-Alcalde de Santiago de Compostela, Xerardo Estévez, así como a ex – Presidenta do Parlamento Galego, Dolores Villarino. A benvida correrá a cargo do Alcalde de Foz, Fran Cajoto. Ao remate de todos os actos haberá un xantar no gastrobar do Hotel Oca.
Ceferino Díaz: un dos pais do Estatuto de Autonomía
Licenciado en Ciencias Económicas e Empresariais pola Universidade de Santiago de Compostela e profesor de Economía Aplicada das Facultades de Ciencias Económicas e de Ciencias Políticas ata 2012. Iniciou a súa carreira política en 1972 no PSG e en 1978 ingresa no PSdeG-PSOE, formando parte do Colectivo Socialista Galego. Foi secretario de Relación Políticas no PSdeG-PSOE (1979-1980) e vicesecretario xeral (1980-1982) nun período de grande importancia para o futuro desenvolvemento social e político de Galicia no que xogou un papel fundamental na negociación, redacción e defensa do Estatuto de Autonomía de Galicia de 1981, sendo considerado como un dos país dese Estatuto, aínda vixente.
Ese ano encabezou a lista socialista ao primeiro Parlamento galego pola provincia de Lugo e foi o portavoz parlamentario desa lexislatura. Continuou como deputado na seguinte lexislatura 1985-1989, na que foi elixido presidente da Comisión de Economía do Parlamento. Nas seguintes dúas Ceferino Díaz foi parlamentario galego pola provincia da Coruña. Nesa época, que compaxinaba coas súas tarefas como profesor universitario, foi ademais secretario xeral do PSdeG-PSOE de Santiago de Compostela.
No ano 2000 foi elixido deputado do Congreso pola provincia de A Coruña, cargo no que estivo dúas lexislaturas máis sendo, entre outros cargos, portavoz socialista da Comisión de Pesca e portavoz de Comercio Exterior. É ademáis autor do libro A esforzada conquista da Autonomía. 1979-1981 Unha ollada dende o socialismo galego (Galaxia, 2007) na que explica o crucial papel do socialismo galego no proceso estatutario. Ceferino Díaz faleceu en Compostela en decembro de 2012.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
