Burela, 14 de setembro, 2019. O Pescados Rubén Burela FS arrincou a Tarde Laranxa levando o derbi irmandiño na xornada inaugural de Primeira RFEF (4-1). Logo de avantaxar con 2-0 na primeira parte, as pupilas de Julio Delgado e Lucas souberon como frear as ganas e o bo regreso dun Poio Pescamar moi renovado.
As supercampioas de España saltaron á pista no debut de Primeira RFEF 2019-20 ante un Poio cunha defensa alta. Silvia Aguete converteuse nunha das grandes protagonistas da cita; Ale de Paz, no minuto 6, non puido gañar no man a man ante a súa ex-compañeira. Con 14 minutos por diante, as pontevedredas cargáronse coas cinco faltas. Lara Balseiro non desaproveitou a oportunidade desde os dez metros. Ale nos seguintes compases a punto estivo de subir o segundo cun disparo na área cuxa traxectoria conseguiu variar a defensa visitante e foise alta. No 9 a combinación entre Luci e Cilene volveu probar a rede de Silvia Aguete. No 12 Jenny Lores atopou un gran espazo tras recuperación laranxa. Quixo sorprender o Poio en contragolpe ante Ana Romero, pero nun erro o balón regresou á ofensiva mariñá e Andrea Feijoo anotou na súa meta en tentativa de despexe en lanzamento de Jenny Lores. O terceiro puido chegar a falta de 4 para o descanso nas zapatillas de Ale de Paz, nunha gran caza e incursión da nedense que recolleu Bea Mateos en rexeite, sen éxito. Silvia mantivo ás pontevedresas unha vez máis, antes do descanso, ante Peque. O Pescados Rubén, de novo nas zapatillas de Lara Balseiro, tivo unha nova oportunidade en dobre penalti, que evitou o pau.
Dani Sousa, no reinicio, non puido aproveitar a primeira ocasión, cun balón que se foi alto ante Jozi. Antía Pérez, moi activa na cita, bloqueou o balón de Ale de Paz na pista laranxa e recuperou para reducir distancias, no 24. Precisamente a nova 17 burelista a punto estivo de sorprender de novo, no 26, tras roubo. As de Julio Delgado e Lucas volveron poñer en apertos ao Poio pouco despois, con roubo de Jane que se estrelou contra o pau. Ana Rivera tamén quixo buscar a recompensa á contra; tras dúas accións infrutuosas da 28 visitante no 29, o Peixes Rubén sacou xogo de cinco liderado por Bea Mateos. Jenny conseguiu ampliar a renda no ecuador do segundo acto, co terceiro, de falta, esperando no segundo pau a iniciativa de Cilene. O Poio contraatacou con Irene García rozando a portería.
Con seis minutos por diante, as de Raúl Jiménez apostaron por Antía Pérez como porteira xogadora. Intentaron as locais cazar os desaxustes do Poio; a falta de 1’21” para o final conseguírono; Peque culminou a porta baleira tras recuperación de Jenny. Nos últimos compases Lara Balseiro dispuxo doutro dobre penalti, que se foi desviado.
Ficha técnica
Pescados Rubén Burela FS: Ana Romero, Dany, Cilene, Peque, Lara Balseiro, cinco inicial; tamén xogaron Jane, Jenny, Jenny Lores, Ale de Paz, Luci, Bea Mateos, Jozi
Poio Pescamar FSF: Silvia Aguete, Andrea Feijoo, Antía Pérez, Irene García, Dani Sousa, cinco inicial; tamén xogaron Clara, Miriam, Carol, Anna Escribano, Ana Rivera
Goles: 1-0, minuto 7, Lara Balseiro (d.p.); 2-0, minuto 13, Andrea Feijoo (p.p.); 2-1, minuto 24, Antía Pérez; 3-1, minuto 30, Jenny, 4-1, minuto 39, Peque
Árbitros: Vilas López // Otero Mira (Ourense). Por Burela amarela para Ale de Paz (minuto 28), Dany (minuto 28), Jenny Lores (minuto 33)
Incidencias: Partido correspondente á xornada 1 de Primeira RFEF disputado en Vista Alegre ante máis 500 persoas. As burelistas ofreceron os últimos trofeos da vitrina laranxa á incondicional afección, 4Nations Futsal de Milán e Supercopa de España, con corredor do Poio.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
