Ribadeo, 18 de setembro de 2019. Co inicio de curso académico comezan as actividades vinculadas á promoción dos valores que deben imperar na sociedade actual e cos cales se quere impregnar ao estudantado dos centros educativos do Concello de Ribadeo. As Áreas involucradas son as de Cultura, Mocidade, Medio Ambiente, Prevención de Drogodependencias e outros Trastornos Aditivos e Igualdade.
Segundo explica a concelleira de Igualdade, Ensino e Mocidade, Mariluz Álvarez Lastra, “se lles ofertan a todos os centros educativos de Ribadeo actividades dirixidas tanto ao alumnado de Primaria como ao de Secundaria e ao de Formación Profesional. Continúan espectáculos de pequeno formato na Biblioteca Municipal dentro do programa Ler conta moito,que este ano contará con algunha sesión máis, xa que a Biblioteca foi beneficiaria de varias representacións que traballan a igualdade de xénero obxecto de subvencións resultantes do Pacto de violencia de xénero do Estado”.
A edil ribadense contou que “de feito, o primeiro espectáculo comezará este venres, 20 de setembro, ás 11.30 horas na propia Biblioteca co alumnado de 1º de Primaria dos Centros Colexio Público Gregorio Sanz e Colexio Sagrado Corazón de Xesús. Por outra banda, o programa de centros literarios que consiste en traer a visita dalgunha escritora/escritor dun libro en galego cuxa lectura estea programada nese curso, esténdese este ano a Primaria (o pasado curso só tivo lugar en Secundaria). E tamén desde a Área de Cultura van proxectar o filme de Oliver Laxe O que arde. Contarase tamén cunha representación teatral de language planning, que ven escenificar a obra de Sechu Sende Made In Galiza”.
Álvarez Lastra subliñou que “como novidade este curso haberá un obradoiro de improvisación oral (de regueifas). Desde a Área de Igualdade ofertaranse un total de 12 talleres aos cursos de 6 de infantil, 3º e 5º de Primaria, nos que se traballará a igualdade de xénero por medio da narración oral e os contos. Tamén traeremos por primeira vez un espectáculo de maxia en igualdade”.
A concelleira de Igualdade engadiu que “o programa estelar será o proxecto coeducativo que se denomina EU quero ser coma…. Este proxecto está dirixido a todo os cursos de Primaria coa finalidade de visibilizar referentes femininos, modelos de mulleres para que elas se podan ver reflectidas, para que as nenas teñan aspiracións a ser o que lles guste e para que os nenos perciban que unha muller ten as mesmas capacidades que un home. O resultante final será darlle un nome feminino a todas as aulas do cole. Desde a Área de Medio Ambiente levarase a cabo unha campaña de compostaxe e desde Mocidade ofertarase o curso de monitor/a de actividades de tempo libre e o Programa KTORCE-18 (Programa de prevención de condutas infractoras) que consiste nunha charla divulgativa dirixida ao alumando da Eso do programa. E continuarase cos programas de habilidades para a vida dirixido a 5º e 6º de Primaria, co programa de educación afectivo sexual para 3º e 4º da Eso promovidos pola Área de Prevención de Adiccións e outros Trastornos Aditivos. E haberá máis cousas das que vos iremos informando puntualmente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
