A Xunta de Goberno aproba novas obras do Plan Único por 45.600€ nos concellos de Viveiro e Muras

 Lugo, 6 de setembro de 2019. A voceira socialista do Goberno provincial, Pilar García Porto, anunciou que a Deputación aprobou este venres dúas solicitudes, unha do Concello de Viveiro e outra do de Muras, para destinar a novas obras os 45.600€ de remanentes que lles quedaron a estas entidades locais tras adxudicar as actuacións financiadas con cargo ao Plan Único 2018, tal e como permiten as bases deste programa de investimentos.

No caso de Viveiro, o importe total dos remanentes é de 33.120 €, que se destinarán á reposición de beirarrúas e firme de rodadura entre os números 10 e 16 da avenida de Vilalba. Para poder executar este novo proxecto, o Concello de Viveiro solicitou unha prórroga do contrato, que lle foi concedida. Teñen de prazo ata o 15 de novembro deste ano para executar as obras, e ata o 30 dese mesmo mes para xustificalas.

Pola súa banda, no caso do Concello de Muras, o investimento con cargo a remanentes é de 12.500 €, unha contía que se vai investir en obras de conservación no cemiterio municipal desta localidade.