Viveiro, 3 de setembro de 2019. No período estival a Oficina de Turismo do Concello de Viveiro recibiu un total de 32.004 visitas, das que 26.543 se corresponden con turismo nacional. Este cifra mostra un claro incremento no número visitantes, considerando que pode deberse ao traballo realizado ao longo dos últimos para promocionar o noso municipio dentro e fóra das nosas fronteiras, destacando a importancia de estar presentes nas feiras de turismo internacionais máis importantes.
En canto ás cifras de turismo nacional, cómpre sinalar que Viveiro recibiu en xuño un total de 1.988 visitantes; en xullo, 10.973; e en agosto, 13.582. En canto ao lugar de procedencia, cabe sinalar que a maior parte deste turistas proceden de Madrid, Galicia, Castela e León, País Vasco e Asturias, por esta orde.
En canto ás cifras de turismo internacional, cómpre sinalar que en xuño Viveiro recibiu un total de 1.040 visitantes; en xullo, 1485; e en agosto, 29364 visitantes. En canto ao lugar de procedencia, cabe sinalar que a maior parte destes turistas proceden de Francia, Reino Unido, Alemania, Italia e Portugal, por esta orde.
O que máis valoran os turistas que visitan o noso concello son as súas paisaxes, a gastronomía, os monumentos e o medio ambiente. Isto demostra, como vén afirmando o concello, que Viveiro é un destino turístico de calidade, que ofrece ao visitante diversas opcións.
Atendendo ás razóns polas que estes visitantes escolleron Viveiro como destino turístico, cómpre destacar que a gran maioría viñeron ata aquí por amigos e familiares ou por iniciativa propia (é dicir, que escollen esta opción despois valorar outras opcións, sendo coñecedores dos seus recursos e posibilidades). Outros motivos polos que Viveiro foi escollido como destino estival son a información que os propios visitantes atoparon sobre o municipio en internet, por viaxes anteriores, pola a información facilitada noutras oficinas de turismo, pola presenza de información turística de Viveiro en revistas e feiras especializadas e polas reunións con tour operadores nas distintas feiras ás que asistimos.
Segundo a información facilitada polos propios turistas, os sitios máis visitados dentro do noso municipio son o casco histórico, as praias, San Roque, o Souto da Retorta e o Landro, nesta orde.
Cómpre sinalar, finalmente, que a estancia media destes turistas en Viveiro é duns 6-8 días e que o 36% se aloxaron nun hotel, o 24,5 % nun apartamento turístico e o 6,66 € nunha viveda de aluguer.
Dende o Concello de Viveiro valóranse estes datos moi positivamente e considérase que son o froito do intenso traballo que se vén desenvolvendo dende a Concellaría de Turismo para promocionar o noso municipio dentro e fóra das nosas fronteiras. Considérase, ademais, que é tamén determinante a ampla programación lúdica e cultural que se desenvolve ao longo dos meses de xullo e agosto, que constitúe un recurso máis a ter en conta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
