Lugo, 28 de agosto de 2019. A Secretaria Provincial Socialista e Deputada Autonómica, Patricia Otero afirmou hoxe que “o PP esta botado completamente ao monte sobre o tema de Alcoa, ademais, a súa irresponsabilidade esta comprometendo tamén a imaxe da propia Xunta, xa que tamén a somete aos seus xogos partidistas”. Otero fixo esta afirmación tras as declaracións realizadas polo PP diante da empresa en San Cibrao.
Otero remarcou que “coa convocatoria da roda de prensa ás portas de Alcoa, o PP amosou unha imaxe dun partido que non esta preocupado polos intereses dos traballadores e traballadoras, e que tenta valerse deles para sacar tallada política de xeito sectario”.
A secretaria provincial socialista cualificou como “penosa a imaxe que ofreceron os dirixentes do PP, e fainos preguntar, onde estiveron durante os 7 anos de Goberno do Partido Popular?”. Dixo tamén que durante toda esta etapa “non se fixo absolutamente nada polos traballadores de Alcoa aos que agora o PP, tenta sen moito éxito, utilizar”, insistiu.
“O PP de Candia e de Balseiro é o mesmo que durante eses anos permaneceu pasivo, sen unha soa medida destinada a solucionar nin un só dos problemas que afectan ás industrias radicadas en Galicia. É o mesmo PP que suprimiu o Ministerio de Industria. O que non puxo en marcha nin unha soa iniciativa para solucionar nin un só dos problemas que afectan aos traballadores e traballadoras e as súas familias”, espetou.
Pola contra sinala que o Goberno de Pedro Sánchez fixo máis sobre o mantemento de Alcoa nestes meses que o PP en anos. “Agora é cando se están abordando medidas para asegurar a continuidade do emprego dos traballadores da factoría. Fíxose coas factorías de Avilés e A Coruña, ademais, púxose en marcha xa unha estratexia de aforro para os consumidores electrointensivos que sen dúbida mellorará a situación de Alcoa en San Cibrao, sentando as bases para asegurar o emprego”, avanzou Otero.
A actitude do PP neste proceso é a irresponsabilidade
A secretaria provincial socialista replica “cal é a actitude do PP diante de toda esta situación?, a irresponsabilidade”. E prosigue coas súas criticas “dedícanse tan só a intentar a poñer paus na roda das solucións, intentando sementar inquietude entre os traballadores. A grotesca imaxe que nos regalaron ás portas de Alcoa exemplifica a imaxe dun partido entregado á demagoxia, e sen aportar nin unha soa solución, solo fotos e posados”.
Patricia Otero sinala que “o liderado provincial desesperado de Candia chega ás portas de Alcoa utilizando as preocupacións dos traballadores e da súas familias. E o que é máis grave, coa presenza do Delegado da Xunta na provincia nesta convocatoria, confirmándose así que a Xunta desenténdense dos problemas dos traballadores para valerse deles de xeito indecente”, resumiu.
“A semana pasada Candia xa recibiu unha lección do Presidente da Deputación ao seu burdo intento de levar a confrontación a unha institución que atopou o camiño da estabilidade. O bochorno polo súa actuación foi compartido polos seus propios compañeiros”, concluíu Otero.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
