Cervo, 27 de agosto, 2019. O Partido Popular lidera “unha fronte común” para evitar que se produzan despedimentos na planta mariñá, unha vez coñecida importante redución na fabricación, e logo “da desidia” demostrada polo Goberno en funcións, incumprindo incluso moitos dos anuncios realizados respecto deste asunto. Así o explicaron esta mañá diante da propia fábrica representantes do PP da Mariña, na Deputación, na Xunta, no Congreso dos Deputados e no Senado, “convidando incluso a todos os grupos políticos a traballar de maneira conxunta porque a situación está xerando incerteza e inseguridade”.
Deste xeito, como medida máis inmediata presentarán, segundo avanzou Elena Candia, unha moción na Deputación que será debatida no Pleno de setembro e a través da que urxen ao Executivo a aprobación inmediata do estatuto. Esta iniciativa tamén será trasladada ao resto de institucións onde esta formación ten representación, como poden ser os Concellos da zona ou as Cámaras nacionais e autonómica.
Para os populares o Executivo de Sánchez “non ten escusas”, xa que, aínda que está en funcións, podería a través dun Real Decreto que, posteriormente, ratificaría o Consello de Ministros, darlle viabilidade a este documento.
Consideran que o socialista “non pode seguir mirando para outro lado”, pois as factorías coas que a multinacional na Mariña teñen “un carácter estratéxico”, ao ser o principal motor económico e laboral da comarca e un dos máis importantes da provincia, representando o 30% do seu PIB”.
Son un total de 1.100 empregos os que xera de xeito indirecto e outros 700 de forma indirecta, polo que o pretenden dende o PP é, precisamente, que estes non se vexan prexudicados. Neste senso, brindaron todo o seu apoio aos empregados, censurando ao mesmo tempo que dirixentes socialistas como o actual secretario Xeral acudise recentemente á Mariña “e non dixese nada ao respecto”; o que demostra claramente que “en Galicia e en Madrid están na mesma sintonía, que é a de non axudar a Alcoa”.
Proba delo, apuntaron, é que Pedro Sánchez incumpriu os seus compromisos e tamén os prazos que el mesmo fixou. Son os seguintes:
O Real Decreto-Lei do Goberno de 7 de decembro de 2018, de Medidas Urxentes para o Impulso da Competitividade Económica no Sector da Industria e o Comercio en España, daba ao Goberno un prazo de seis meses para elaborar e aprobar un Estatuto de Consumidores Electrointesivos.
O Marco Estratéxico de Enerxía e Clima, presentado no Consello de Ministros o 22 de febreiro, establece a aprobación deste estatuto como unha das medidas de acompañamento aos sectores estratéxicos industriais previstas na Estratexia de Transición Xusta.
En febreiro de 2015, antes das elección xerais, o daquela candidato socialista Pedro Sánchez, prometeu aos traballadores de Alcoa que buscaría un sistema estable para
Fixar unha data
Por este motivo, defenden que é imprescindible concretar unha data para a aprobación do estatuto, porque sen un marco normativo e un prezo estable non hai futuro nin para Alcoa nin para o resto de empresas grandes consumidoras. Ademais, o prezo da electricidade en España é moi caro, un 50 % máis que en Alemaña ou Francia, polo que a factura eléctrica supón o 41 % do gasto de Alcoa, nun momento no que o prezo do aluminio no mercado tamén está baixo.
Segundo a patronal, a industria electrointensiva paga a luz en España 25 euros por megavatio/hora máis cara que en Alemaña e 20 euros máis que en Francia. Pero a solución do Goberno para lograr abaratar a factura e salvar os empregos segue deixando un avultado diferencial. As principais medidas do borrador do Estatuto dos Consumidores Electrointensivos plantexan unha rebaixa de uns dous euros por mw/h. A Asociación Española de Empresas con gran Consumo de Enerxía (AEGE) xa pediu tamén ao Executivo que multiplique por oito esta cifra, para sumar outros 16 euros á rebaixa.
Ao igual que plantexou a Xunta de Galicia nas alegacións ao borrador, AEGE tamén pediu que se establezan mecanismos de rebaixa na fiscalidade enerxética e nos peaxes de acceso ás redes. O conxunto de medidas do Goberno supón 112 millóns de euros, cantidade inferior aos 150 millóns presupostados polo Executivo de Rajoy nas contas estatais, e que foron prorrogadas por Sánchez.
Apoio constante do PP
A situación actual contrasta, por tanto, co acontecido durante os sucesivos Goberno do PP, que sempre intentaron buscar a mellor solución posible en apoio á industria electrointensiva, levando a cabo negociacións ao máis alto nivel. Foi o caso de Mariano Raioy co presidente internacional de Alcoa; o que permitiu establecer medidas de apoio, como así explicar o exministro de Industria, José Manuel Soria, nunha visita a San Cibrao, celebrada o 2 de outubro de 2012.
Asemade, e nun escenario máis local, esta non é a primeira vez que os populares lucenses demandan unha solución para esta empresa nas distintas administracións. A proposta desta formación, o Pleno da Deputación aprobou varios acordos, con carácter de declaración institucional, e de xeito unánime. Foi o 31 de maio de 2016, 30 de outubro de 2018 e o 26 de marzo de 2019.
A maiores, foron varias a iniciativas que se rexistraron nos Concellos, no Congreso e no Senado co mesmo fin; incluso esta mesma fin de semana, no xantar de confraternidade celebrado en Burela, e preocupados polas últimas novas ao respecto da fábrica, distintos cargos fixeron un chamamento ao Goberno en funcións, agardando que se acade unha solución e se garanta a viabilidade económica, empresarial, industrial e laboral da planta mariñá.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
