Viveiro, 28 de agosto, 2019. O Grupo Municipal do PP de Viveiro diríxese ao equipo de Goberno local para pedir que realice os trámites necesarios para instar aos propietarios do inmoble en ruínas situado no número 16 da rúa Rosalía de Castro, ou á administración que corresponda, a corrixir de inmediato o seu mal estado de conservación para garantir a seguridade e salubridade dos veciños e viandantes “antes de ter que lamentar algún incidente irreversible”.
Os populares solicitan a través dun rogo ao Executivo municipal socialista que aplique a normativa de solo de Galicia así coma as normas estatais e o Plan Especial de Protección e Reforma Interior (PEPRI) en relación á conservación e rehabilitación de construcións se refire; ademais de que elabore un novo informe sobre o actual estado do inmoble. Tamén propoñen dende o PP de Viveiro a elaboración dun informe técnico das edificacións que poidan estar nesta mesma situación no Casco Histórico de Viveiro para instar á súa reparación co obxectivo de velar pola seguridade e a salubridade dos veciños e viandantes.
Dende o Grupo Municipal do Partido Popular recollen esta petición dos veciños e veciñas da zona preocupados polo “risco de posibles desprendementos”; xa que “caen cascotes, cristais, pedras e partes da balconada da edificación tanto á vía pública coma ao patio de luces de casas lindeiras”. Polo tanto, “impide que os veciños e veciñas poidan utilizar o seu patio en condicións de seguridade”.
Precisamente para advertir desta situación, “os veciños e veciñas se dirixiron en varias ocasións ao Concello de Viveiro sen obter resultados favorables”. Así, os populares viveirenses explican que “a propietaria do inmoble lindeiro puxo en coñecemento da administración municipal o 22 de decembro de 2014 a través dun escrito presentado no Rexistro o estado de abandono da edificación indicando tamén os perigos aos que se ven sometidos os viandantes ou, incluso, ela mesma a diario. Xa con data do 12 de agosto de 2015 ampliou a información e non foi ata o 24 de abril de 2017 cando recibe contestación da alcaldesa indicando unha proposta de orde de execución de obras no inmoble en ruínas”.
Preguntas
Ante a falta de actuacións e co obxectivo de contribuír a mellorar o entorno de Viveiro e o dos veciños e veciñas, dende o Grupo Municipal Popular preguntan ao Goberno local polas xestións realizadas dende o rexistro do primeiro escrito ata o día de hoxe, se o Concello está a facer un seguimento do estado de seguridade e salubridade do inmoble debido ao seu deterioro e se solicitou algún informe máis dende abril do 2017 para informar á persoa solicitante sobre o estado do edificio ruinoso. Igualmente interpelarán ao Goberno do PSOE de Viveiro sobre o pagamento do IBI por parte da propietaria do inmoble e, no caso de non estar ao día, pola situación do expediente de cobranza.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
