Foz, 22 de agosto, 2019. O alcalde de Foz, Fran Cajoto, xunto a membros da protectora de animais, técnicos e persoal da empresa adxudicataria, visitan o terreo onde, en breves, se vai comezar a construír a nova instalación para acoller aos animais abandonados do concello.
Estas novas instalacións para a protectora de animais son unha vella reclamación tanto dos voluntarios e voluntarias que atenden as instalación existentes como do PSOE de Foz, posto que as actuais, situadas no porto de Foz, fai tempo se quedaron pequenas e non reúnen as condicións de seguridade e benestar que merecen os animais recollidos nelas, e foron demandadas á anterior corporación en diferentes ocasións.
Esta nova instalación para acoller animais abandonados lévase a cabo con fondos da Deputación de Lugo, que tras a firma de un convenio co Concello de Foz, no pasado mes de novembro, comprometeuse a aportar 90.200 euros e o Concello 38.009 euros os terreos e proxectos técnicos e permisos necesarios para a execución da obra.
“Satisfácenos moito que por fin se vaia a construír, cerca do punto limpo en Vilaronte, as nova canceira para acoller á protectora de animais, xa que o lugar que actualmente utilizan non é o adecuado nin pola ubicación, nin polo estado que presenta. Xa esta adxudicada a obra e comezará proximamente a construción da canceira. Agardamos que os animais e os seus coidadores poidan facer uso das novas instalacións o mais pronto posible”- refire Fran Cajoto
“O novo refuxio de Foz situarase nunha parcela municipal de máis 13.000 metros cadrados, no polígono 3 do núcleo de Vilaronte, na parroquia de Mañente, onde actualmente tamén se afinca o punto limpo. Será na parte sur do terreo onde se constrúa o refuxio, estendéndose uns 2.500 metros cadrados. A propia canceira terá unha ocupación en planta de 285 metros cadrados. A edificación será unha nave con estrutura metálica cuberta e inclinada a dúas augas, con zonas cubertas nas dúas direccións. As novas instalacións disporán de zona de espera, oficina, aseo con ducha e zona de baño de animais, sala de curas e sala para pequenas intervencións. A nave disporá dunha zona exterior para os animais onde se situará tamén un almacén de alimentos. Esta espazo que conectará coas propias dependencias. Dará cobizo tanto a cans como a gatos. Terá capacidade para 40 animais, cumprindo así as normativas existentes sobre benestar animal”.- remata Cajoto
O Alcalde de Foz, Fran Cajoto, anuncia a inminente construción do novo refuxio para a protectora de animais
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
