Cervo, 1 de agosto de 2019.- A subdelegada do Goberno, Isabel Rodríguez, e o alcalde de Cervo, Alfonso Villares, copresidiron hoxe a reunión ordinaria da Xunta Local de Seguridade, convocada para analizar a situación da delincuencia e o dispositivo de seguridade para as festas que se celebrarán este mes no municipio. Na xuntanza, celebrada esta mañá na Casa do Concello, participaron representantes da Garda Civil, do Subsector de Tráfico, a Policía Autonómica e a Policía Local.
A subdelegada do Goberno informou trala reunión que “nesta Xunta Local de Seguridade analizamos a situación da seguridade en Cervo que, afortunadamente, está a ser positiva, xa que puidemos comprobar que no primeiro semestre de 2019 rexistrouse un descenso do 17,39% nas infraccións penais rexistradas no municipio”.
Rodríguez tamén explicou que “esta baixada no número de infraccións penais vai acompañada dun aumento na eficacia da Garda Civil, que nos seis primeiros meses do ano foi do 42,10%, case 8 puntos máis que nos mesmos meses de 2018”.
De acordo coas estatísticas oficiais da Garda Civil, entre os meses de xaneiro e xuño deste ano denunciáronse no municipio de Cervo 19 infraccións penais, 8 por delitos graves ou menos graves (5 foron contra o patrimonio, 4 contra a seguridade colectiva e 1 contra a administración de xustiza) e 11 por delitos leves. No primeiro semestre de 2018 computáranse 23 infraccións penais, 11 por delitos graves e menos graves e 12 por delitos leves.
BALANCE 2018
En canto ao balance de 2018, o ano pechouse en Cervo con un total de 58 infraccións penais, o que supón unha taxa de criminalidade de 13,72 por mil habitantes. Esta taxa é inferior ás medias da provincia, de Galicia e de España. Na provincia situouse en 22,5, en Galicia no 28,9 e en España no 45,6.
VIOLENCIA DE XÉNERO
A subdelegada detallou ademais a evolución dos delitos relativos a violencia de xénero no municipio. Neste caso, no primeiro semestre do ano non se rexistrou ningunha denuncia por violencia de xénero. En 2018 producíronse 4, a mesma cifra que no ano 2017.
SEGURIDADE NOS CENTROS DE ENSINO
Isabel Rodríguez tamén fixo balance da actividade que desenvolveu a Garda Civil dentro do Plan director para a convivencia e mellora da seguridade escolar. No curso 2018/2019 realizáronse 7 conferencias sobre violencia de xénero, acoso escolar, riscos na internet e novas tecnoloxías, drogas e alcohol e prevención de incendios forestais para alumnos de centros escolares do municipio: o IES Marqués de Sargadelos e os CEIP de Cervo e Península da Paz.
FESTAS SEGURAS
Ademais, a Xunta Local de Seguridade estudou os plans de seguridade para as próximas citas festivas que rexistrarán gran afluencia de público, como a Maruxaina, que se celebrará o 10 de agosto en San Cibrao, e a Queimada Popular de Cervo, prevista para o día 17 de agosto. Atendendo á súa competencia, o Concello deseñará os dispositivos, que contarán coa colaboración de axentes da Garda Civil e o Subsector de Tráfico para garantir a boa marcha dos festexos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
