Mondoñedo, 7 de agosto de 2019.- Un total de 46 nenos e nenas están a desfrutar este verán do campamento organizado dende a ludoteca municipal de Mondoñedo, un servizo posto en marcha polo actual Goberno municipal que dirixe Elena Candia coa finalidade de facilitar a conciliación da vida familiar e laboral.
A ludoteca municipal, que funciona de xeito ininterrompido durante todo o ano, ademais dos servizos de madrugadores e de tardes, tamén cubre o período de vacacións non lectivas (Semana Santa, Verán e Nadal).
Trátase, en palabras da alcaldesa, Elena Candia, de “reforzar a oferta e poder axudarlles aos pais e nais para que a conciliación laboral e familiar sexa unha realidade no noso Concello”.
No campamento participan nenos e nenas de idades comprendidas entre 3 e 12 anos. Non asisten todos os mesmos días da semana, nin nos mesmos horarios. Desfrutan de actividades de diversa índole, cun forte compoñente lúdico, pero sempre fomentando a transmisión de valores fundamentais, como pode ser o compañeirismo ou o traballo cooperativo.
As actividades desenvólvense de 8 da mañá a catro da tarde, tal e como elixiron os pais en base as súas necesidades, coa pretensión de colaborar cos pais e nais “o máximo posible”, segundo explica a concelleira de Igualdade, Conciliación e Xuventude do Goberno local, Bea Meilán.
A edil segura que a ludoteca, situada no recinto do colexio Álvaro Cunqueiro, “é un servizo moi importante, que se puxo en funcionamento no ano 2018, e que está a dar resposta a unha das principais demandas dos veciños e veciñas”.
Meilán defende que se “fixo moito no ámbito da conciliación, pero queda por facer e seguiremos traballando de xeito moi activo para avanzar nun compromiso firme e moi importante para o Concello”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
