Foz 3-7-19. A Asociación Cultural A Pomba do Arco organiza o venres 5 de xullo ás 20:30 na Libraría Bahía de Foz a presentación do libro Do Abadexo á zorza. Dicionario da comida galega, nun acto no que tomaran a palabra os editores do mesmo Xan Carballa e Cesar Lorenzo e o seu autor Xavier Rodríguez Baixeras.
Do Abadexo á zorza. Dicionario da comida galega é moito máis cun libro gastronómico, tratase dun traballo único e singular no espazo das culturas peninsulares que reúne por primeira vez nun mesmo volume, profusamente ilustrado, un esforzo de recuperación lingüística clave para unha cultura como a galega, até converterse nun grande manual de consulta tamén é un traballo diferente e de referencia para gorentarse cos sabores e os saberes, polo simple pracer da lectura e a evocación e que será de obrigada presenza en todas as entidades relacionadas coa cultura, a alimentación e a gastronomía.
O Dicionario da Comida Galega consta de máis de 1000 entradas sistematizadas alfabeticamente, con explicacións filolóxicas, alimentarias, científicas e literarias, 600 páxinas e 1500fotografías. Estamos diante dunha obra que alén do seu valor gastronómico significa un esforzo de recuperación lingüística clave para unha cultura como a galega, restaurando conceptos, explicándoos, situándoos no centro dunha realidade produtiva e gastronómica chea de referencias e de gran proxección cultural e económica, actuando como o trinque dos produtos propios do agro, a pesca e a industria da alimentación, que se converte nun baluarte e un impulsor dun sector que proxecta a imaxe e a economía galega no mundo.
O autor da obra é o noso conveciño Xavier Rodríguez Baixeras un dos máis grandes poetas galegos libros que con esta publicación volve a incursionar nun campo que lle é propio como o da gastronomía. Criado entre Ribadeo e Nois, adoita pasar as tempadas de verán no lugar dos seus ancestros, a Casa de Covas, téndolle dedicado ás terras de Foz e da Mariña algúns dos seus mellores poemas, recollidos en diversos poemairos. A máis disto Baixeras é socio de honra da Asociación Cultural A Pomba do Arco, sendo un colaborador habitual da actividade cultural no noso concello.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
