RadioVoz realiza este martes, un programa especial en directo desde Foz con motivo das festas do Carme. Escoitarase a través de todas as emisoras desta cadea na provincia

 Foz, 15 de xullo de 2019. RadioVoz realizará este martes, día 16 de xullo, un programa especial en directo desde Foz con motivo da celebración das festas do Carme. Escoitarase a través de todas as emisoras desta cadea na provincia lucense: Lugo, Ribadeo, Viveiro, Vilalba, Sarria, Monforte e Chantada.
O programa emitirase de 10 a 12 da mañá desde a praza Conde de Fontao, concretamente desde a terraza do restaurante O Lar, e será dirixido e presentado por Félix Jorquera.
Entre os invitados que participarán neste espazo radiofónico estarán o alcalde de Foz, Fran Cajoto; e o concelleiro de Cultura, Héctor Moris.