Ribadeo, 26 de xullo de 2019. O Grupo Municipal Popular de Ribadeo censura que o Goberno local do BNG non solicitara á Xunta colaboración de cara á contratación de persoal para a conformación de brigadas municipais para a prevención e loita contra os lumes forestais.
O voceiro popular, Daniel Vega, destaca “a vontade de cooperación do Goberno galego que destina máis de 650.000 euros para o reforzo dos recursos dos municipios da Mariña nesta materia co obxectivo de contratar persoal, apoiar o funcionamento da motobomba e financiar a execución de labores de roza”. Así, “o Concello de Ribadeo vese beneficiado de máis de 26.000 euros dirixidos a estas dúas últimas tarefas; xa que o Goberno local non cursou solicitude para a contratación de brigadas”.
Neste sentido, Vega lamenta que “o señor Suárez Barcia e o Goberno do BNG desaproveitaran, unha vez máis, os recursos que a Xunta pon ao alcance dos Concellos aos que lles achegaron todos cantos recursos tiñan solicitado”. O popular lembra que “non só se perde un servizo de primeira intervención ante posibles episodios de incendios forestais que se producen puntualmente na zona, senón que tamén as brigadas se encargan de realizar tarefas preventivas coma os desbroces en espazos onde non é posible chegar coa roza mecánica ao non poder facer uso do tractor”. Así, “o Goberno do BNG de Ribadeo está desprezando unha necesidade das numerosas parroquias do rural ribadense”, condena.
Perda de oportunidades laborais
Este caso, “ademais do rexeitamento de recursos da administración autonómica en materia de prevención e loita contra incendios forestais, supón tamén a perda dunha oportunidade laboral porque as brigadas xeran como mínimo cinco postos de traballo subvencionados nos seus custes salariais”, indica o popular.
Dende o PP local agardan que “o señor Suárez non culpe á Xunta, como fai sempre, cando el é o único responsable de que Ribadeo non vaia contar con esta colaboración que a Xunta ofrece a tódolos concellos da provincia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
