Mondoñedo 4 de xullo do 2018. Eloi Cabanas voceiro do BNG no concello di que Elena Candia ten una actitude “hipócrita” cos problemas derivados do peche da A-8 como consecuencia da néboa e critica o compracente que foi durante a etapa que gobernou o Partido Popular no Estado.
“Se a N-634 non está en condicións óptimas de absorber tanto tráfico cando a néboa obriga a cortar a A-8 tamén o estaba despois da inauguración do tramo da autovía fai agora cinco anos e medio”, sinala o edil nacionalista.
Cabanas pregúntalle á alcaldesa de Mondoñedo cales foron as xestións que fixo desde a alcaldía para que as obras de mellora anunciadas en varias ocasión na N-634 se executaran en todos estos anos.
Segundo o nacionalista a alcaldesa de Mondoñedo e outros representantes públicos do Partido Popular anunciaron publicamente en varios foros a existencia dun proxecto en fase de redacción para obras de mellora que incluían, aglomerado en quente, melloras na sinalización, limpeza e perfilado de cunetas ou o cerramento de tramos para evitar a entrada de animais á estrada que está sen executar.
-TERCEIRO CARRIL-
O BNG xa propuxo en 2015, no pleno de Mondoñedo, prolongar o terceiro carril ata a rotonda de enlace coa A-8 e que foi aprobado de forma unánime por todos os grupos.
“Sería unha alternativa aos continuos peches da A-8 no Fiouco, xa que moitos transportistas decidiron desistir xa de utilizar a autovía pola perigosidade do Fiouco e tamén polo menor consumo de combustible que supón o traxecto de 18km pola N-634, que aínda que son 2 máis ca o traxecto por autovía, o tempo é practicamente o mesmo e o aforro económico é moi considerable”.
Eloi Cabanas lamenta a falta de compromiso dos diferentes gobernos do estado cos problemas do peche da autovía “seguimos sen saber nada dos proxectos experimentais para quitar a néboa onde había 6 millóns de euros orzamentados e as balizas instaladas nun tramo a modo de proba para mellorar a seguridade no tráfico tampouco están dando o seu froito, así que hai que continúar pechando a autovía cada vez que hai néboa” lamenta.
O BNG de Mondoñedo acusa a Elena Candia de actuar con “hipocresía” na reivindicación de melloras na N-634
Relacionado
-
Villares destaca a regulación das coñecidas “demasías” na modificación da Lei de Confrarías de pescadores de Galicia polos seus efectos positivos na financiación dos pósitos
-
A Deputación condena na Praza de San Marcos a violencia machista nun 25N negro
-
O PP pedirá no pleno da Deputación o apoio de PSOE e BNG para o desenvolvemento da provincia no ámbito industrial e das comunicacións
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
