A Mariña, venres 19 de xullo 2019. No día de hoxe o BNG na Mariña presentou os diversos actos que se se van desenvolver na comarca, previos ao 25 de xullo, día da Patria Galega..
As nacionalistas mariñás convidan á cidadanía a participar na manifestación en Compostela o día 25 ás 12 da mañá e para a que hai disposto un autobús e a xente interesada pode apuntarse chamando ao tfno 982140654 ou no correo amarinha@bng.gal. Así mesmo, desde Galiza Nova animan á mocidade a participar no Festigal, un evento con unha ampla e variada oferta cultural e musical os día 24 e 25 de xullo.
Convidan tamén @s nacionalistas a pendurar de fiestras e balcóns a bandeira patriótica, bandeira que se pode adquirir na sede comarcal do BNG
Barreiros e Foz acollen os actos principais do BNG na Mariña
Así mesmo presentouse a XXVI edición da Festa da Patria en Foz, que se celebrará o sábado día 20 no porto, diante da lonxa a partir das 19:30h e na que se poderán degustar chicharros lañados, entre outras cousas. Haberá tamén xogos para nen@s.
O domingo 21 corresponderálle a Barreiros donde organizan a xa coñecida Mani-festa ou “bonitada do Bloque” que xa vai pola XV edición, na área recreativa da Insua, a partir das 14h. Un xantar no que o prato principal é o bonito e no que haberá tamén actuacións musicais e intervencións políticas.
Galiza, un novo impulso
Baixo este lema celébrase este ano o Día da Patria Galega, e despois do proceso electoral das eleccións municipais no que o BNG afianzou e mellorou as súas posicións na comarca, ábrese agora un novo ciclo político coas eleccións galegas no horizonte, no que o BNG ten como obxectivo liderar un cambio real para Galiza, moi necesario tamén para os intereses da comarca da Mariña. E para lograr ese obxectivo o BNG quere sumar, vila a vila, concello a concello e cidade a cidade, máxime cando no contexto actual se demostra que o nacionalismo é o movemento mais transformador e emancipador para facer fronte á involución antisocial e antidemocrática do Estado español.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
